ବାଘ ଛାଲ ଜବତ , ୨ ଗିରଫ
ଦେବଗଡ଼: ରିଆମାଳ ରେଞ୍ଜ ଅଧିନ ସିମିଳିହତା ଗ୍ରାମରେ ବନବିଭାଗର ଏକ ସ୍ପେଶାଲ ସ୍କ୍ବାର୍ଡ ଚଢ଼ାଉ କରି ବାଘ ଛାଲ ଜବତ କରିବା ସହିତ ଏଥିରେ ସମ୍ପୃକ୍ତ ଥିବା ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ବନ ବିଭାଗ । ଗିରଫ ଅଭିଯୁକ୍ତମାନେ ହେଲେ ପଳସମା ପଞ୍ଚାୟତ କୁସଖୁଳିଆ ଗ୍ରାମର ପ୍ରହ୍ଲାଦ ପରିଡା (୫୫) ଓ ରିଆମାଳ ଥାନା ଅନ୍ତର୍ଗତ ସିମିଳିହତା ଗ୍ରାମର ପାଣ୍ଡବ ପ୍ରଧାନ (୪୦) ।
ସୂଚନା ଅନୁଯାୟୀ, ବାଘଚାଲ କାରବାର ଚାଲିଥିବା ସମ୍ପର୍କରେ ଗତକାଲି ଦେବଗଡ଼ ବନବିଭାଗ କୌଣସି ବିଶ୍ବସ୍ତ ସୂତ୍ରରୁ ଖବର ପାଇ ଡ଼ିଏଫଓ କ୍ଷମା ଷଢଙ୍ଗୀଙ୍କ ନିର୍ଦ୍ଦେଶରେ ରିଆମାଳ ରେଞ୍ଜ ଅଫିସର ମହେନ୍ଦ୍ର ସାହୁଙ୍କ ନେତୃତ୍ବରେ ଏକ ସ୍ପେଶାଲ ସ୍କ୍ବାର୍ଡ ସିମିଳିହତା ଗ୍ରାମରେ ଅଚାନକ ଚଢ଼ାଉ କରିଥିଲା । ଚଢ଼ାଉ ବେଳେ ବିକ୍ରି ପାଇଁ ପ୍ରସ୍ତୁତ ହେଉଥିବା ଏକ ବାଘ ଛାଲ ଜବତ କରାଯିବା ସହିତ ଏହି କାରବାରରେ ସମ୍ପୃକ୍ତ ଦୁଇଜଣ ଅଭିଯୁକ୍ତଙ୍କୁ ଗିରଫ କରାଯାଇଛି ।
Powered by Froala Editor
