ରାଜ୍ୟରେ ଦୈନିକ ୫୦ ହଜାର ଟେଷ୍ଟିଂ ଟାର୍ଗେଟ

ଭୁବନେଶ୍ୱର: ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି । ବଢୁଛି କରୋନାର କାୟା । ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ତେବେ ରାଜ୍ୟରେ ଦୈନିକ ୫୦ ହଜାର ଟେଷ୍ଟିଂ ଟାର୍ଗେଟ ରହିଛି ବୋଲି ଜନସ୍ୱାସ୍ଥ୍ୟ ନିଦେ୍ର୍ଧଶକ କହିଛନ୍ତି ।
ରାଜ୍ୟରେ କୋଭିଡ ସ୍ଥିତି ନେଇ ଜନସ୍ୱାସ୍ଥ୍ୟ ନିଦେ୍ର୍ଧଶକ କହିଛନ୍ତି ଯେ, ଦୈନିକ ୫୦ ହଜାର ଟେଷ୍ଟିଂ ଟାର୍ଗେଟ ରହିଛି । ଏବେ ୪୩ରୁ ୪୫ ହଜାର ହେଉଛି । ଏବେ ରାଜ୍ୟର ବିଭିନ୍ନ ହସ୍ପିଟାଲରେ ୧୧ ହଜାରରୁ ଅଧିକ ବେଡ ଅଛି । ଘରୋଇ ହସ୍ପିଟାଲରେ ୫୦ ପ୍ରତିଶତ ବେଡ ରିଜର୍ଭ ପାଇଁ ନିଦେ୍ର୍ଧଶ ଅଛି । ସରକାର ମୂଲ୍ୟ ନିର୍ଦ୍ଧାରଣ କରିଛନ୍ତି । ଟେକ୍ନିକାଲ ଟିମ ନଜର ରଖିବେ । ହସ୍ପିଟାଲରେ ସଂକ୍ରମଣ ରୋକିବାକୁ ଜ୍ୱର ପାଇଁ ଅଲଗା ୱାର୍ଡ କରିବାକୁ ନିଦେ୍ର୍ଧଶ ଅଛି । ଏଯାଏଁ ପଶ୍ଚିମବଙ୍ଗ ଷ୍ଟ୍ରେନ ଚିହ୍ନଟ ନେଇ ଏନସିଡିସି ସ୍ପଷ୍ଟ କରିନାହିଁ ବୋଲି ଜନସ୍ୱାସ୍ଥ୍ୟ ନିଦେ୍ର୍ଧଶକ କହିଛନ୍ତି ।
Powered by Froala Editor