ତହସିଲଦାରଙ୍କ ୫ଟି ପ୍ୟାନ କାର୍ଡରେ ଭିନ୍ନଭିନ୍ନ ବାପା
ଭୁବନେଶ୍ୱର: ନିମାପଡା ତହସିଲଦାର ରାମଚନ୍ଦ୍ର ଜେନାଙ୍କ ଘର ରେଡ୍ କରୁଛି ଭିଜିଲାନ୍ସ ଟିମ୍ । ପ୍ରଥମେ ରାମ ଚନ୍ଦ୍ରଙ୍କ ଠାରୁ ୪ଲକ୍ଷ ୬୫ ହଜାର ଟଙ୍କା ଜବତ ହୋଇଥିଲା । ଏହପରେ ତାଙ୍କ ସରକାରୀ ବାସଭବନରୁ ୫୦ହଜାର ଟଙ୍କା ଜବତ ହୋଇଥିଲା । ତେବେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବର୍ତ୍ତମାନ ତହସିଲଦାର ରାମ ଚନ୍ଦ୍ରଙ୍କ ଘର ରେଡ୍ ଚାଲିଛି ।
ଏହି ରେଡ୍ ବେଳେ ରାମଚନ୍ଦ୍ରଙ୍କ ୫ଟି ପ୍ୟାନକାର୍ଡ ମିଳିଛି । ସବୁ ପ୍ୟାନ କାର୍ଡ ଗୁଡିକରେ ଜନ୍ମ ତାରିଖ ସହ ବାପାଙ୍କ ନାମ ମଧ୍ୟ ଭିନ୍ନ ରହିଛି । ୩ଟି କାର୍ଡରେ ବାପାଙ୍କ ନାମ ଖଗେଶ୍ୱର ଜେନା ରହିଥିବା ବେଳେ ଅନ୍ୟ ୨ଟିରେ ନାରାୟଣ ଓ ବୈଷ୍ଣବ ଜେନା ରହିଥିବା ସୂଚନା ମିଳିଛି । ଏହା ସହିତ ତାଙ୍କ ନାଁ’ରେ ଆଗରୁ ଦୁଇଟି ଭିଜିଲାନ୍ସ କେସ୍ ମଧ୍ୟ ରହିଛି । ତେବେ କିପରି ଜଣେ ବ୍ୟକ୍ତି ୫ଟି ପ୍ୟାନକାର୍ଡ ବ୍ୟବହାର କରୁଥିଲା, ଏହକୁ ନେଇ ଆୟକର ବିଭାଗ ଉପରେ ମଧ୍ୟ ପ୍ରଶ୍ନ ଉଠୁଛି । ବର୍ତ୍ତମାନ ଘର ଓ ଅଫିସରେ ଚଢାଉ କାର୍ଯ୍ୟ ଜାରି ରଖିଛି ଭିଜିଲାନ୍ସ ଟିମ୍ ।
Powered by Froala Editor
