କଲଭର୍ଟରେ ପିଟି ହୋଇ ରାସ୍ତା କଡ଼କୁ ପଶିଗଲା ବସ୍
ବ୍ରହ୍ମପୁର: ଛତ୍ରପୁର ନିକଟରେ ଶନିବାର ସକାଳେ ଏକ ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଗାଡ଼ିଟି କଲଭର୍ଟରେ ପିଟି ହେବା ପରେ ରାସ୍ତାକଡ଼କୁ ପଶି ଯାଇଥିଲା । ତେବେ ଚାଳକ ନିୟନ୍ତ୍ରଣ କରିବା ଦ୍ୱାରା ଯାତ୍ରୀମାନେ ଅଳ୍ପକେ ବର୍ତ୍ତି ଯାଇଛନ୍ତି । ପୁଲିସ୍ ବସ୍କୁ ଜବତ କରିବା ସହିତ ତଦନ୍ତ ଆରମ୍ଭ କରିଛି ।
ହରିହର ନାମକ ଏହି ବସ୍ଟି ପାତ୍ରପୁରରୁ ଭୁବନେଶ୍ୱର ଅଭିମୁଖେ ଯାଉଥିଲା । ପାତ୍ରପୁର ନିକଟରେ ଗାଡ଼ି ଆଗ ଚକ ଫାଟି ଯାଇଥିଲା । ଫଳରେ ଚାଳକ ନିୟନ୍ତ୍ରଣ ହରାଇଥିଲେ । ଏହା କଲଭର୍ଟରେ ପିଟି ହୋଇଯାଇଥିଲା । ହେଲେ ଚାଳକ ଏହାପରେ ସତର୍କତା ସହିତ ଗାଡ଼ିକୁ ନିୟନ୍ତ୍ରଣକୁ ଆଣିଥିଲେ । ଫଳରେ ଯାତ୍ରୀମାନେ ନିଶ୍ଚିତ ଭାବେ ଏକ ବଡ଼ ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି । ଏହାପରେ ଅନ୍ୟ ଏକ ଗାଡ଼ିରେ ସମସ୍ତେ ଭୁବନେଶ୍ୱରକୁ ଯାତ୍ରା କରିଥିଲେ ।
Powered by Froala Editor
