ଦିନକୁ ଦିନ ଅଧିକ ଜଟିଳ ରୂପ ଧାରଣ କରୁଛି ନୂଆ ପ୍ରଜାତିର ଡେଲଟା ଭୂତାଣୁ
ନୂଆଦିଲ୍ଲୀ: କରୋନାର ନୂଆ ପ୍ରଜାତିର ଡେଲଟା ଭୂତାଣୁ ଦିନକୁ ଦିନ ଅଧିକ ଜଟିଳ ରୂପ ଧାରଣ କରିବାରେ ଲାଗିଛି । ଏପରିକି ଏହା ଆଗକୁ ଆହୁରି ଅଧିକ ଜଟିଳ ପରିସ୍ଥିତି ସୃଷ୍ଟି କରିବାର ଆଶଙ୍କା ରହିଛି । ନୂଆ ପ୍ରଜାତିର ଭୂତାଣୁ (ଏୱାଇ ୪୨) ଏବେ ଭାରତ, ଆମେରିକା, ବି୍ରଟେନ, ରୁଷ ସମତେ ବିଶ୍ୱର ୩୩ଟି ରାଷ୍ଟ୍ରକୁ ବ୍ୟାପିଗଲାଣି । ଭାରତର ମଧ୍ୟପ୍ରଦେଶ, ମହାରାଷ୍ଟ୍ରରେ ଏହି ପ୍ରଜାତିର ଭୂତାଣୁ ଚିହ୍ନଟ ହୋଇଛି । ଏହି ପ୍ରଜାତିର ଭୂତାଣୁ ଅଧିକ ସଂକ୍ରାମକ । ଅର୍ଥାତ ଏହାର ସଂକ୍ରମଣ ବେଗ ଅଧିକ । ତେଣୁ ଏଥିପ୍ରତି ସତର୍କ ରହିବାକୁ ପରାମର୍ଶ ଦିଆଯାଇଛି ।
ନୂଆ ପ୍ରଜାତିର ଭୂତାଣୁର ସଂକ୍ରମଣ ବେଗ ଅଧିକ କୁହାଯାଇଥିଲେ ମଧ୍ୟ ଏହାକୁ ‘ଭାରିଆଣ୍ଟ ଅଫ ଇନଟ୍ରେଷ୍ଟ’ ବର୍ଗରେ ରଖାଯାଇଛି । ଅର୍ଥାତ ଏହି ପ୍ରଜାତିର ଭୂତାଣୁ ସମ୍ପର୍କରେ ଅଧିକ ଅନୁସନ୍ଧାନ କରାଯାଉଛି । ଯେଉଁଥିରେ ଅନ୍ୟପଟେ ଚୀନର ଇନର ମଙ୍ଗୋଲିଆ ସ୍ୱୟଂ ଶାସିତ ଅଞ୍ଚଳରେ କରୋନା ସଂକ୍ରମଣ ବୃଦ୍ଧି ପାଇଛି । ଫଳରେ ଏହି ଅଞ୍ଚଳରେ ତାଲାବନ୍ଦ କଟକଣା ଜାରି କରାଯାଇଛି ।
Powered by Froala Editor
