ଭୁବନେଶ୍ୱର: ମହାଲିଙ୍ଗ ସନ୍ ସଇନ୍ ପବ୍ଲିକ୍ ସ୍କୁଲ୍‌ର ଶିକ୍ଷୟିତ୍ରୀ ମମିତା ମେହେର ହତ୍ୟା ଭଳି ଘଟଣାକୁ ରାଜ୍ୟ ସରକାରଙ୍କ ଦ୍ୱାରା ଏହି ମାମଲାର ତଦନ୍ତ ହେଲେ ହତ୍ୟାକାରୀ ଖସି ଯିବାର ଆଶଙ୍କା କରି ଉଭୟ ବିରୋଧୀ ବିଜେପି ଏବଂ କଂଗ୍ରେସ ସିବିଆଇ ତଦନ୍ତ ଦାବି କରିଛନ୍ତି । ତେବେ ଏହି ଦାବିକୁ ନେଇ ଶାସକ ଦଳର ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି ଯେ ସିବିଆଇ ଅଫିସର କଣ ସ୍ୱର୍ଗରୁ ଆସିଛନ୍ତି । ଏହା ସହିତ ସେ ପ୍ରଶ୍ନ କରିଛନ୍ତି ଯେ ସିବିଆଇ ଯେତେ କେସ ନେଇଛନ୍ତି ସେ ସବୁରେ କଣ ଫଳ ହୋଇଛି ।

ଓଡିଶା ପଲିସ ଉପରେ ରାଜ୍ୟ ବାସୀଙ୍କର ଭରସା ଅଛି ଏବଂ ରାଜ୍ୟରେ ଭଲ ପୋଲିସ ଅଫିସର ମଧ୍ୟ ରହିଛନ୍ତି ଯେଉଁମାନେ କେନ୍ଦ୍ରରେ ରହି ମଧ୍ୟ ଭଲ କାମ କରିଛନ୍ତି ସେମାନଙ୍କ ଉପର ଯେଦି ଭରସ ରହିବନି ତେବେ କାହା ଉପରେ ଭରସା ରହିବ । ସେ ଏହା ମଧ୍ୟ କହିଛନ୍ତି ଯେ ଯେହେତୁ କେନ୍ଦ୍ରରେ ବିଜେପି ସରକାର ରହିଛି ତେଣୁ କରି ସେମାନେ ସିବିଆଇ ତଦନ୍ତ ଦାବି କରିଛନ୍ତି । ତେବେ ତଦନ୍ତ ନିରପେକ୍ଷ ଭାବରେ ହୋଇ ପ୍ରକୃତ ଦୋଷୀକୁ ଦଣ୍ଡ ମିଳିବ କୌଣସି ଦୋଷୀ କେତେବେଳେ ଖସି ଯାଇ ନାହାନ୍ତି ବୋଲି ସେ କହିଛନ୍ତି । 

ତେବେ ଗୃହ ରାଷ୍ଟ୍ରମନ୍ତ୍ରୀଙ୍କର ଇସ୍ଥଫା ବିରୋଧୀ ଦାବି କରୁଥିବାବେଳେ ସରକାର ବିରୋଧୀଙ୍କ କଥାରେ ଚାଲିବ ନାହିଁ ବୋଲି ସେ କହିଛନ୍ତି । ତେବେ ଘରୋଇ ସ୍କୁଲକୁ ମିଳିଥିବା ଅନୁଦାନ ବିଷୟରେ ସେ କହିଛନ୍ତି ଯେ ରାଜ୍ୟ ସରକାର ବିଭିନ୍ନ ଘରୋଇ ସ୍କୁଲ୍‌କୁ ଅନୁଦାନ ଦେଇଛନ୍ତି,ଖାଲି ସେଇ ସ୍କୁଲକୁ ଅନୁଦାନ ମିଳି ନାହିଁ ।

Powered by Froala Editor