ମୋହନ ମାଝିଙ୍କ ଗାଡ଼ି ଉପରେ ବିଜେପି କର୍ମୀ ଆକ୍ରମଣ କରିଛନ୍ତି: ବିଜେଡି
ଭୁବନେଶ୍ୱର: ବିଜେପି ବିଧାୟକ ମୋହନ ମାଝିଙ୍କୁ ସମାଲୋଚନା କରିଛନ୍ତି ବିଜେଡି ମୁଖପାତ୍ର ସୁଲତା ଦେଓ। ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝି ଅଯଥାରେ ରାଜ୍ୟ ସରକାରଙ୍କୁ ନିନ୍ଦା କରୁଥିଲେ ।
ତାଙ୍କ ଗାଡ଼ି ଉପରେ ଯେଉଁମାନେ ଆକ୍ରମଣ କରିଛନ୍ତି, ସେମାନେ ବିଜେପି କର୍ମୀ। ମୋହନ ମାଝି ସେମାନଙ୍କୁ କାମ ଦେଇନପାରିବାରୁ ଆକ୍ରମଣର ଶିକାର ହୋଇଛନ୍ତି । ଯେଉଁମାନେ ମୋହନ ମାଝୀଙ୍କୁ ଆକ୍ରମଣ କରିଛନ୍ତି, ସେମାନଙ୍କ ସହ ମୋହନଙ୍କର ସମ୍ପର୍କ ଅଛି। ସେ ନିଜ ଦଳୀୟ କର୍ମୀମାନଙ୍କୁ କାମ ଦେବା ପାଇଁ ପ୍ରତିଶ୍ରୁତି ଦେଇ ପୂରଣ ନକରି ପାରିବାରୁ ତାଙ୍କ ଉପରେ ଆକ୍ରମଣ ହୋଇଛି । ମୋହନ ମାଝୀ ତାଙ୍କ ଗାଡ଼ି ଉପରେ ହୋଇଥିବା ଆକ୍ରମଣ ପାଇଁ ସରକାରଙ୍କୁ ବଦନାମ କରିବାକୁ ଚାହୁଁଥିଲେ ।ଏକଥା ଦାଣ୍ଡରେ ପଡି ହାଟରେ ଗଡ଼ିଲାଣି ବୋଲି କହିଛନ୍ତି ସୁଲତା।
Powered by Froala Editor