ମାଆ ଲକ୍ଷ୍ମୀ ଧନ ଏବଂ ଧନର ଦେବୀ ଏବଂ ତାଙ୍କୁ ଚଞ୍ଚଳା ମଧ୍ୟ କୁହାଯାଏ । ଏହାର କାରଣ ସେ ସବୁବେଳେ କାହା ପାଖରେ ସ୍ଥାୟୀ ହୋଇ ରହିପାରନ୍ତି ନାହିଁ । ଯାହା ଉପରେ ଦେବୀ ଲକ୍ଷ୍ମୀଙ୍କର କୃପା ହୋଇଥାଏ ତା ପାଖରେ କୌଣସି ଜିନିଷର ଅଭାବ କେବେ ହୁଏ ନାହିଁ । ମାଆଙ୍କ ଆଶୀର୍ବାଦ ହେଲେ ଅତି ଗରିବ ବ୍ୟକ୍ତିଙ୍କୁ ରାଜା କରିପାରେ ଏବଂ ଯଦି ସେ ରୁଷ୍ଠ ହୁଅନ୍ତି ତେବେ ଧନୀ ବି ଗରିବ ହୋଇଯାଏ । ଜ୍ୟୋତିଷ ଶାସ୍ତ୍ରରେ, ଏପରି କିଛି କଥା କୁହାଯାଇଛି, ଯାହା କରିବା ଦ୍ୱାରା ମାଆ ଲକ୍ଷ୍ମୀ ସବୁଦିନ ପାଇଁ ଘରୁ ପଳାଇଥାନ୍ତି । କାରଣ ଜାଣିଶୁଣି ଏବଂ ଅଜାଣତରେ, ଆମେ ଏପରି ଅନେକ ଭୁଲ୍ କରିଥାଉ, ଯାହା ମାଆ ଲକ୍ଷ୍ମୀଙ୍କୁ କ୍ରୋଧିତ ହୁଅନ୍ତି । ଆସନ୍ତୁ ଜାଣିବା କିଛି ଏମିତି ଭୁଲ୍ ବିଷୟରେ ଯାହା ଆପଣ ଅଜାଣନ୍ତି କରିଥାନ୍ତି ।

ଏମିତି କରିବା ଦ୍ୱାରା ମାଆ ଲକ୍ଷ୍ମୀ କ୍ରୋଧିତ ହୁଅନ୍ତି

ଅନେକ ଲୋକ ଅଇଁଠା ବାସନ ଘରେ ଖେଳାଇ ରଖିଥାନ୍ତି । ଏହା ଅଧିଂକାଶ ରାତ୍ରି ଭୋଜନ ପରେ ହିଁ ହୋଇଥାଏ । ସାଧାରଣତଃ ରାତିର ଅଇଁଠା ବାସନ ଲୋକେ ସକାଳେ ଧୋଇ ଥାନ୍ତି । ଯାହା ଶାସ୍ତ୍ର ଅନୁଯାୟୀ ଠିକ୍ ନୁହେଁ । ଘରେ ଅଇଁଠା ବାସନ ରଖିବାଦ୍ୱାରା ଦେବୀ ଲକ୍ଷ୍ମୀ କ୍ରୋଧିତ ହୋଇଥାନ୍ତି । ଏବଂ ଅଧିକା ସମୟ ପାଇଁ ଘରେ ରୁହନ୍ତି ନାହିଁ । ତେଣୁ, ଘରେ ପରିଷ୍କାର ପରିଚ୍ଛନ୍ନତା ଉପରେ ସର୍ବଦା ବିଶେଷ ଧ୍ୟାନ ଦେବା ଉଚିତ୍, ଯାହାଫଳରେ ମାଆ ଲକ୍ଷ୍ମୀଙ୍କ କୃପା ସର୍ବଦା ରହିବ ।

ଏହି ସ୍ଥାନରେ ରଖନ୍ତୁନି ଅଳିଆ

ବାସ୍ତୁ ଶାସ୍ତ୍ର ଅନୁଯାୟୀ, ଉତ୍ତରର ମୂଖ୍ୟ ଦେବତା ହେଉଛନ୍ତି କୁବେର ଏବଂ ଦେବୀ ଲକ୍ଷ୍ମୀ, ଯିଏ ଧନ ଏବଂ ସମୃଦ୍ଧିର ସଙ୍କେତ ଦିଅନ୍ତି । ଏହି ସ୍ଥାନକୁ ମାତୃ ସ୍ଥାନ ମଧ୍ୟକୁହାଯାଏ । ତେଣୁ ଅଳିଆ, ବର୍ଜ୍ୟବସ୍ତୁକୁ ଏହି ସ୍ଥାନରେ ରଖିବା ଉଚିତ୍ ନୁହେଁ । ଏହି ଦିଗକୁ ସର୍ବଦା ପରିଷ୍କାର ରଖିବା ଉଚିତ୍, ଫଳରେ ଅର୍ଥ ଲାଭ ହେବ । ଘରର ଏହି ଅଂଶ ସକରାତ୍ମକ ଶକ୍ତିରେ ପରିପୂର୍ଣ୍ଣ, ଯଦି ଆପଣ ଅଦରକାରୀ ଜିନିଷ ଏହି ସ୍ଥାନରେ ରଖନ୍ତି ତେବେ ଦେବୀ ଲକ୍ଷ୍ମୀ ଏବଂ କୁବେରଙ୍କ କ୍ରୋଧିତ ହୁଅନ୍ତି ।

ଚୁଲା ଉପରେ ଅଇଁଠା ବାସନ ରଖନ୍ତୁ ନାହିଁ

ରୋଷେଇ ଘରେ ପରିଷ୍କାର ପରିଚ୍ଛନ ରଖିବା ନିହାତି ଆବଶ୍ୟକ । ସେହି ପରି ଚୁଲା ବା ଚୁଲିରେ  ଖାଲି କିମ୍ବା ଅଇଁଠା ବାସନ ରଖନ୍ତୁ ନାହିଁ । ସବୁବେଳେ ଚୁଲାକୁ ସଫାସୁତରା ରଖନ୍ତୁ । ଫଳରେ ଘରେ ସୁଖ ଶାନ୍ତି ଓ ସମୃଦ୍ଧି ଆସିବ ଏବଂ ସମାଜରେ ସମ୍ମାନ ମିଳିବ । ପୁରାଣରେ କୁହାଯାଇଛି ଯେ, ଚୁଲାରେ ଖାଲି ପାତ୍ର ରଖିବା ଦ୍ୱାରା ଘରେ ଦାରିଦ୍ର୍ୟତା ବଢେ । କୁହାଯାଏଁ ଯେ, ଠାକୁର ଘର ପରେ ଘରର ପବିତ୍ର ସ୍ଥାନହେଲା ରୋଷେଇ ଘର ।

ଏହି ସମୟରେ ଲଗାନ୍ତୁ ନାହିଁ ଝାଡ଼ୁ

ଯଦି ଆପଣ ସୂର୍ୟ୍ୟ ଅସ୍ତ ପରେ ଝାଡ଼ୁ ଲଗାନ୍ତି ତେବେ ଏହାକୁ ଦୁର୍ଭାଗ୍ୟର ପ୍ରତିକ ମନାଯିବ । କାରଣ ଝାଡ଼ୁରେ ମାଆ ଲକ୍ଷ୍ମୀଙ୍କ ବାସ ହୋଇଥାଏ । ସୂର୍ୟ୍ୟ ଅସ୍ତ ପରେ ଝାଡ଼ୁ ଲଗାଇବା ଦ୍ୱାରା ମାଆ ଲକ୍ଷ୍ମୀ କ୍ରୋଧିତ ହୋଇ ଘରୁ ପଳାଇଥାନ୍ତି । ଯଦି କୌଣସି ଆବଶ୍ୟକତା ଥାଏ ତେବେ ଆପଣ ଝାଡ଼ୁ ଲଗାଇ ପାରିବେ କିନ୍ତୁ ଅଳିଆକୁ ବହାରେ ନପକାଇ ତାହାକୁ ପର ଦିନ ପକାଇବେ ।

ଗୋଟିଏ ହାତରେ ଏହି ଭୁଲ କରନ୍ତୁ ନାହିଁ

ଗୋଟିଏ ହାତରେ କେବେ ବି ଚନ୍ଦନ ଘସିବେ ନାହିଁ ଏମିତି କରିବା ଦ୍ୱାରା ଭଗବାନ ନାରାୟଣ ମଧ୍ୟ ଦରିଦ୍ର ହୋଇଯିବେ ।ଏମିତି କରିବା ଦ୍ୱାରା ମାଆ ଲକ୍ଷ୍ମୀ କ୍ରୋଧିତ ହୁଅନ୍ତି ଏବଂ ଧନ ଅଭାବ ଦେଖାଦିଏ । ଏହାସହ ଚନ୍ଦନ ଘସିବା ପରେ ସିଧା ଭଗବାନଙ୍କୁ ଲଗାଯାଏ ନାହିଁ  । ଚନ୍ଦନଙ୍କୁ ପ୍ରଥମେ ଗୋଟିଏ ପାତ୍ରରେ ରଖିବେ ଏହାପରେ ଆପଣ ଭଗବାନଙ୍କୁ ଲଗାଇପାରବେ ।

ନାରାୟଣଙ୍କ ବିନା ମାଆ ଲକ୍ଷ୍ମୀଙ୍କ ପୂଜା କଲେ ସଫଳତା ମିଳି ନଥାଏ

ଶାସ୍ତ୍ରରେ କୁହାଯାଇଛି ଯେ, କେବଳ ମାଆ ଲକ୍ଷ୍ମୀଙ୍କ ପୂଜା କରନ୍ତୁ ନାହିଁ ବରଂ ମାଆଙ୍କ ସହ ସବୁ ବେଳେ ନାରାୟଣଙ୍କୁ ପୂଜା କରନ୍ତୁ । ସେଥିପାଇଁ ଏମାନଙ୍କୁ ଲକ୍ଷ୍ମୀ ନାରାୟଣ କୁହାଯାଏ । ଖାଲି ମାଆ ଲକ୍ଷ୍ମୀଙ୍କୁ ପୂଜା କଲେ ତାଙ୍କ କୃପା ମିଳେ ନାହିଁ । ସେଥି ପାଇଁ ମାଆ ଲକ୍ଷ୍ମୀଙ୍କ ସହ ସବୁ ବେଳେ ଭଗବାନ ନାରାୟଣଙ୍କୁ ପୂଜା କରନ୍ତୁ ।

ଏହି ସମୟରେ ଶୋଇବା ଦ୍ୱାରା ମାଆ ଲକ୍ଷ୍ମୀ କ୍ରୋଧିତ ହୁଅନ୍ତି

ଶାସ୍ତ୍ରରେ ମଧ୍ୟ ଶୋଇବା ପାଇଁ ସମୟ ନିର୍ଦ୍ଧାରିତ କରାଯାଇଛି । ସୂର୍ୟ୍ୟ ଉଦୟ ପୂର୍ବରୁ ଉଠିବା ଏବଂ ରାତ୍ରି ସମୟରେ ଶୋଇବା ସର୍ବଶ୍ରେଷ୍ଠ ବୋଲି ଗ୍ରହଣ କରାଯାଏ । କିଛି ଲୋକ ଅଳସୁଆ ହୋଇ ସୂର୍ୟ୍ୟ ଉଦୟ ଓ ସୂର୍ୟ୍ୟ ଅସ୍ତ ସମୟରେ ଶୋଇ ରୁହନ୍ତି ଯାହା ଅନୁଚିତ । ପାହାନ୍ତରେ ଠାକୁର ପୂଜାକୁ ଶୁଭ ବୋଲି କୁହାଯାଏ ।

ଏମାନଙ୍କ ଅନାଦାର କରିବା ଦ୍ୱାରା ମାଆ ଲକ୍ଷ୍ମୀ ଚାଲିଯାଆନ୍ତି

ଗୃହରର ଲକ୍ଷ୍ମୀ ହେଉଛନ୍ତି ମହିଳା । ଏମାନଙ୍କୁ ଯଦି ଅନାଦର କରାଯାଏ ତେବେ ମାଆ ଲକ୍ଷ୍ମୀ କ୍ରୋଧିତ ହୁଅନ୍ତି । ଯେଉଁ ଘରେ ଲୋକ ମହିଳାମାନଙ୍କ ଅପମାନ କରନ୍ତି କିମ୍ବା ମାର-ପିଟ କରନ୍ତି ସେମିତି ଘରେ ଲକ୍ଷ୍ମୀ ବାସ କରନ୍ତି ନାହିଁ ।

Powered by Froala Editor