ଅଟୋରିକ୍ସାରେ ବୁଲିଲେ ବ୍ରିଟେନ୍ର ପ୍ରିନ୍ସ ୱିଲିୟମ୍
ମୁମ୍ବାଇରେ ଅଟୋରିକ୍ସାରେ ବୁଲିଲେ ବ୍ରିଟେନ୍ର ପ୍ରିନ୍ସ ୱିଲିୟମ୍ ଓ ପ୍ରିନ୍ସେସ୍ କେଟ୍ ମିଡଲଟନ୍। ତାହା ପୁଣି ନିଜେ ଷ୍ଟିୟରିଂ ଧରି ଅଟୋ ଚଳାଇଲେ ପ୍ରିନ୍ସ ୱିଲିୟମ୍। ଆଉ ପଛ ସିଟ୍ରେ ବସି ଏହି ଯାତ୍ରାର ମଜା ନେଲେ କେଟ୍।
ଭାରତ ଗସ୍ତରେ ଥିବା ପ୍ରିନ୍ସ ୱିଲିୟମ୍ ଓ କେଟ୍ ମିଡଲଟନ୍ ଦ୍ୱିତୀୟ ଦିନରେ ମୁମ୍ବାଇର ବାନ୍ଦ୍ରା ରିକ୍ଲେମେସନ୍ ଗାର୍ଡେନ୍ରେ ପହଞ୍ଚିଥିଲେ। ସେଠାରେ ଅର୍ଥଶଟ୍ ପ୍ରାଇଜ୍ ୨୦୨୬ର ୧୫ ଜଣ ଫାଇନାଲିଷ୍ଟଙ୍କୁ ଭେଟିଥିଲେ। ପରିବେଶ ସୁରକ୍ଷା ଓ ସ୍ଥାୟୀ ବିକାଶ ପାଇଁ ନୂଆ ଉଦ୍ଭାବନ କରିଥିବା ପ୍ରତିଯୋଗୀଙ୍କ ସହ ଆଲୋଚନା କରିଥିଲେ ଏହି ରୟାଲ୍ ଦମ୍ପତି।
ଏହି ଅବସରରେ ମୁମ୍ବାଇର ଟ୍ରାଫିକ୍ ଓ ଅଟୋ ଯାତ୍ରାର ଅନୁଭବ ନେବାକୁ ମଧ୍ୟ ପଛାଇ ନଥିଲେ। ଏକ ଇଲେକ୍ଟ୍ରିକ୍ ଅଟୋରିକ୍ସାରେ ବୁଲିଥିଲେ। ପଛରେ ଥିଲା ମୁମ୍ବାଇର ପ୍ରସିଦ୍ଧ ବାନ୍ଦ୍ରା-ୱର୍ଲି ସି ଲିଙ୍କ୍। ଏହି ମନୋରମ ପରିବେଶରେ ୱିଲିୟମ୍ ଅଟୋ ଚଳାଉଥିବା ବେଳେ କେଟ୍ ପଛ ସିଟ୍ରେ ବସିଥିଲେ। ମୁମ୍ବାଇ ଗସ୍ତର ଦ୍ୱିତୀୟ ଦିନରେ ରାଜକୀୟ ଦମ୍ପତିଙ୍କ ଏହି ଅନ୍ଦାଜ ଏବେ ଚର୍ଚ୍ଚାରେ।
ଅନ୍ୟପଟେ କେଟ୍ ଏକ ଆଇଭରି ଧଳା ରଙ୍ଗର ପ୍ୟାଣ୍ଟସୁଟ୍ ପିନ୍ଧିଥିଲେ। ପ୍ରିନ୍ସ ୱିଲିୟମ୍ ହାଲୁକା ନୀଳ ରଙ୍ଗର ଷ୍ଟ୍ରାଇପ୍ ବ୍ଲେଜର ସହ ଧଳା ସାର୍ଟ, ଗାଢ଼ ନୀଳ ଟ୍ରାଉଜର୍ ଓ ବ୍ରାଉନ୍ ସୁଏଡ୍ ଜୋତା ପିନ୍ଧିଥିଲେ।
Powered by Froala Editor