ଦେଶରେ ଦିନକରେ ୧୩୫୯୬ ପଜିଟିଭ ଚିହ୍ନଟ, ୧୬୬ ମୃତ
ନୂଆଦିଲ୍ଲୀ: ନିୟନ୍ତ୍ରଣକୁ ଆସୁଛି ମହାମାରୀ । ଦୁଇ ଦିନ ହେଲା ୧୫ ହଜାର ତଳକୁ ରହୁଛି ଦେଶର ଦୈନିକ କୋରୋନା ସଂକ୍ରମଣ । ଗତ ୨୪ ଘଣ୍ଟାରେ ଦେଶରେ ମାତ୍ର ୧୩ ହଜାର ୫୯୬ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି, ଯାହା ୨୩୦ ଭିତରେ ସର୍ବନିମ୍ନ। ସେହିପରି ୧୯ ହଜାର ୫୮୨ ଜଣ ସୁସ୍ଥ ହୋଇଥିବାବେଳେ ଗୋଟିଏ ଦିନରେ ୧୬୬ ଜଣଙ୍କ ମୁଣ୍ଡ ନେଇଛି କିଲର ଭାଇରସ । ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଏନେଇ ସୂଚନା ଦିଆଯାଇଛି ।
ଆଜିର ନୂତନ ସଂକ୍ରମିତଙ୍କୁ ମିଶାଇ ଦେଶର ମୋଟ ସଂକ୍ରମିତଙ୍କ ସଂଖ୍ୟା ୩ କୋଟି ୪୦ ଲକ୍ଷ ୮୧ ହଜାର ୩୧୫ରେ ପହଞ୍ଚିଛି । ସେହିପରି ଦେଶରେ ଏବେ ୧ ଲକ୍ଷ ୮୯ ହଜାର ୬୯୪ ଟି ସକ୍ରିୟ ମାମଲା ରହିଛି ଏବଂ ବର୍ତ୍ତମାନ ସୁଦ୍ଧା ୩ କୋଟି ୩୪ ଲକ୍ଷ ୩୯ ହଜାର ୩୩୧ ଜଣ ସୁସ୍ଥ ହୋଇଛନ୍ତି । ଏଯାବତ୍ ମୋଟ ୪ ଲକ୍ଷ ୫୨ ହଜାର ୨୯୦ ଜଣ ସଂକ୍ରମିତଙ୍କ ମୃତ୍ୟୁ ଘଟିଛି ।ଅନ୍ୟପଟେ ଦେଶରେ ଜୋରଦାର ଚାଲିଛି ଟୀକାକରଣ । ଦେଶରେ ଏଯାବତ ୯୭ କୋଟି ୭୯ ଲକ୍ଷ ୪୭ ହଜରା ୭୮୩ ଜଣଙ୍କୁ ଦିଆ ସିରିଛି ଟିକା ।
Powered by Froala Editor
