ନଭେମ୍ବର ୫ରେ ଉତ୍ତରାଖଣ୍ଡ ଗସ୍ତ କରିବେ ପ୍ରଧାନମନ୍ତ୍ରୀ
ଡେରାଡୁନ: ନଭେମ୍ବର ୫ରେ ଦେବଭୂମି ଉତ୍ତରାଖଣ୍ଡ ଗସ୍ତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେଠାରେ ଆଦି ଗୁରୁ ଶଙ୍କରାଚାର୍ୟ୍ୟଙ୍କ ପ୍ରତିମୂର୍ତ୍ତି ଉନ୍ମୋଚନ କରିବେ । ଏନେଇ ଉତ୍ତରାଖଣ୍ଡ ବିଜେପି ପକ୍ଷରୁ ସୂଚନା ମିଳିଛି । ଦୁଇମାସ ଭିତରେ ଏହା ପ୍ରଧାନମନ୍ତ୍ରୀଙ୍କ ଉତ୍ତରାଖଣ୍ଡକୁ ଦ୍ବିତୀୟ ଗସ୍ତ ।
ଶେଷ ଥର ପାଇଁ ଅକ୍ଟୋବର ୭ରେ ଦେବଭୂମି ଯାଇଥିଲେ ମୋଦି । ଋଷିକେଶର ଏମ୍ସରେ ଅକ୍ସିଜେନ ପ୍ଲାଣ୍ଟର ଉଦଘାଟନ କରିଥିଲେ । ଆସନ୍ତା ଉତ୍ତରାଖଣ୍ଡ ଗସ୍ତରେ ପ୍ରଧାନମନ୍ତ୍ରୀ ସେଠାରେ ଚାଲିଥିବା କିଛି ଉନ୍ନୟନମୂଳକ ପ୍ରକଳ୍ପର ଶୁଭାରମ୍ଭ କରିବାର ସୂଚନା ରହିଛି । ଏହାପୂର୍ବରୁ ୨୦୧୯ ସାଧାରଣ ନିର୍ବାଚନରେ କେଦାରନାଥ ଗସ୍ତ କରିଥିଲେ ପ୍ରଧାନମନ୍ତ୍ରୀ ।
Powered by Froala Editor
