ଛତର ଯାତ୍ରା ସମ୍ପନ୍ନ: ପାରମ୍ପରିକ ବାଦ୍ୟ ଓ ଘୁମୁରାରେ କମ୍ପିଲା ମାଣିକେଶ୍ୱରୀ ପୀଠ
କଳାହାଣ୍ଡିର ଅଧିଷ୍ଠାତ୍ରୀ ଦେବୀ ମା' ମାଣିକେଶ୍ୱରୀଙ୍କ ପ୍ରସିଦ୍ଧ ଛତର ଯାତ୍ରା ବୁଧବାର ସଂପନ୍ନ ହୋଇଛି । ନବମୀ ତିଥିରେ ପ୍ରାତଃ ଜେନାଖାଲରେ ଗୁପ୍ତ ପୂଜା ପରେ ସକାଳ ୬ଟା ୪୫ରେ ମାଣିକେଶ୍ୱରୀଙ୍କ ବିଜୟ ଛତର୍ ଯାତ୍ରା ପାରମ୍ପରିକ ବାଦ୍ୟ ଓ ଘୁମୁରା ସହ ପ୍ରକମ୍ପିତ ଜୟଧ୍ୱନୀରେ ମନ୍ଦିର ଅଭିମୁଖେ ବାହାରିଥିଲା । ୮ଟା ୪୫ରେ ମନ୍ଦିରରେ ମା'ଙ୍କ ଛତର ପହଞ୍ଚିଥିଲା । ମହାରାଜା ଅନନ୍ତ ପ୍ରତାପ ଦେଓ ରୀତିନୀତି ଅନୁଯାୟୀ ପୂଜାର୍ଚ୍ଚନା କରିବା ପରେ ଛତରକୁ ମନ୍ଦିର ଭିତରକୁ ପାଛୋଟି ନେଇଥିଲେ ।
ଗତବର୍ଷ ଭଳି ଚଳିତ ବର୍ଷ ମଧ୍ୟ ୧୪୪ ଧାରା ସତ୍ତେ୍ୱ ଶାନ୍ତିଶୃଙ୍ଖଳା ସହ ସାମପିତ ହୋଇଥିଲା ଛତର ଯାତ୍ରା । ଏଥର ବି ଛତର ଯାତ୍ରାରେ ଭକ୍ତଙ୍କୁ ବାରଣ କରାଯାଇଥିଲା । ଏହି ଦୃଷ୍ଟିରୁ ମୁଖ୍ୟରାସ୍ତାର ଉଭୟ ପାଶ୍ୱର୍ ରାସ୍ତାରେ ପୁଲିସ୍ ବ୍ୟାରିକେଡ୍ ରହିଥିଲା । ବ୍ୟାରିକେଡ୍ ବାହାରେ ଶହଶହ ଭକ୍ତ ଠୁଳ ହୋଇ ଶାନ୍ତିଶୃଙ୍ଖଳା ସହ ଛତର ଦର୍ଶନ କରିଥିଲେ । ତଥାପି ସହର ବାହାରେ ଥାଇ ମାନସିକଧାରୀମାନେ ବଳି ପକାଇଥିଲେ । ଫଳରେ ରକ୍ତରଞ୍ଜିତ ହୋଇ ଉଠିଥିଲା ସହର ବାହାର ବହୁ ରାସ୍ତା ।
Powered by Froala Editor
