ଡଙ୍ଗା ଓଲଟି ୯ ଛାତ୍ରଙ୍କ ମୃତ୍ୟୁ
![ଡଙ୍ଗା ଓଲଟି ୯ ଛାତ୍ରଙ୍କ ମୃତ୍ୟୁ](https://odishanewslens.com/news_gallery/6184_1632079079.jpg)
ଚୀନ୍ ଗୁଇଝୋଉ ପ୍ରାନ୍ତରେ ହୋଇଥିବା ଏକ ନୌକା ଦୁର୍ଘଟଣାରେ ୯ ଜଣ ଛାତ୍ର ପ୍ରାଣ ହରାଇଛନ୍ତି। ନଦୀରୁ ୯ ଜଣଙ୍କ ଶବ ଉଦ୍ଧାର ହୋଇଥିବା ବେଳେ ବାକି ଯାତ୍ରୀ ପହଁରି ପହଁରି ଜୀବନ ବଞ୍ଚାଇଥିବା ଜଣାପଡିଛି। ନୌକାଟି ୪୦ ଜଣ ଯାତ୍ରୀଙ୍କ କ୍ଷମତାର ଥିଲା। ତେବେ ଦୁର୍ଘଟଣାକାଳରେ ଏଥିରେ ସଂଖ୍ୟାଠାରୁ ଅଧିକ ଯାତ୍ରୀ ଥିଲେ ବୋଲି ସ୍ଥାନୀୟ ଅଧିକାରୀ ସୂଚିତ କରିଛନ୍ତି।
ସ୍ଥାନୀୟ ସମୟ ଅପରାହ୍ନ ୪ଟା ୫୦ରେ ଜାଙ୍ଗକେ ନଦୀରେ ଏହି ଦୁର୍ଘଟଣା ଘଟିଥିଲା। ବୋଟ୍ର ଯାତ୍ରୀ କ୍ଷମତା ୪୦ ଥିବାବେଳେ ଅଧିକ ଲୋକଙ୍କୁ ନେଇ ଯାଉଥିବାରୁ ଏଭଳି ଅଘଟଣ ଘଟିଥିବା ଆଶଙ୍କା କରାଯାଉଛି। ଉଦ୍ଧାର କାର୍ଯ୍ୟରେ ୫୦ ବୋଟ୍ ସମେତ ୧୭ଟି ଟିମ୍ ନିୟୋଜିତ ହୋଇଛନ୍ତି। ନଦୀରେ ଏବେବି ତଲାସ ଅଭିଯାନ ଚଳାଯାଇଛି। ନୌକାରେ ଯାତ୍ରା କରୁଥିବା ଲୋକଙ୍କ ମଧ୍ୟରେ ଅଧିକାଂଶ ଛାତ୍ର ଥିଲେ।
Powered by Froala Editor