ଆଫଗାନିସ୍ତାନ ତାଲିବାନ କବ୍‌ଜାକୁ ଯିବା ପରେ ଦେଶରେ ଯେମିତି କଳାବାଦଲ ଘନେଇ ଆସିଛି । ଲୋକେ ଅନ୍ୟ ଦେଶକୁ ଯିବାକୁ ସବୁ ଉଦ୍ୟମ କରୁଛନ୍ତି । କିନ୍ତୁ ଆଖପାଖ ଅନେଶ ଦେଶ ସେମାନଙ୍କର ସୀମା ବନ୍ଦ କରିଦେଇଛନ୍ତି । ଏଭଳି ସ୍ଥିତିରେ ଲୋକଙ୍କ ପାଖରେ ନିତ୍ୟ ବ୍ୟବହାର ଜିନିଷର ବି ଅଭାବ ଦେଖାଦେଲାଣି । କୁହାଯାଉଛି ଏହି ମାସ ଶେଷ ସୁଦ୍ଧା ଖାଦ୍ୟଶସ୍ୟର ଷ୍ଟକ୍ ସରିଯିବ । ଏହାପରେ ଦେଶର ଏକ ତୃତୀୟାଂଶ ଲୋକ ଖାଦ୍ୟ ସଙ୍କଟର ସାମ୍ନା କରିବେ । ଭୟଙ୍କର ଦୁର୍ଭିକ୍ଷ ପଡିପାରେ ବୋଲି ଅନୁମାନ କରାଯାଉଛି ।  ଭବିଷ୍ୟତର ସରକାର ଏବଂ ଏହାର ନୀତିକୁ ନେଇ ଲୋକମାନେ ଚିନ୍ତିତ ଅଛନ୍ତି । ଏ ପରିସ୍ଥିତିରେ, ସମସ୍ତ ସିଷ୍ଟମକୁ ଟ୍ରାକକୁ ଫେରାଇ ଆଣିବା ପାଇଁ ତାଲିବାନ ସମ୍ମୁଖରେ ଏକ ବଡ଼ ଚ୍ୟାଲେଞ୍ଜ ସୃଷ୍ଟି ହୋଇଛି ।

ଶୁଣାଯାଉଛି ଆଫଗାନିସ୍ତାନରୁ ଆମେରିକୀୟ ଏବଂ ନାଟୋ ସୈନ୍ୟ ପ୍ରତ୍ୟାହାର ପରେ ତାଲିବାନ ଖୁବ୍ ଶୀଘ୍ର ଏକ ନୂତନ ସରକାର ଘୋଷଣା କରିବ । ତାଲିବାନର ସର୍ବୋଚ୍ଚ ନେତା ହେବତୁଲ୍ଲା ଅଖଣ୍ଡଜାଦାଙ୍କ ନାମ ଶାସକ ପରିଷଦର ନେତା ଭାବରେ ପ୍ରାୟ ନିଶ୍ଚିତ ହୋଇଯାଇଛି । ଏଥିସହ ସରକାରଙ୍କୁ ସ୍ଥଗିତ ରଖିବାର ଦାୟିତ୍ୱ ମୁଲ୍ଲା ଅବଦୁଲ ଘାନି ବରାଦାରଙ୍କ ଉପରେ ପଡିପାରେ । 

ତାଲିବାନ ଅଧିକାରୀ କହିଛନ୍ତି ଯେ ଦେଶରେ ସବୁକିଛି ସ୍ୱାଭାବିକ । ଯଥାଶୀଘ୍ର କାମକୁ ଫେରିବା ପାଇଁ ଲୋକଙ୍କୁ ନିବେଦନ କରାଯାଇଛି । ସେହିପରି ବ୍ୟାଙ୍କ ଏବଂ ଏଟିଏମ୍ ବାହାରେ ଲୋକଙ୍କ ଲମ୍ବା ଧାଡି ଦେଖାଯାଉଛି । ଲୋକମାନେ ଏଟିଏମରୁ ଅଧିକରୁ ଅଧିକ ଟଙ୍କା ଉଠାଇବାକୁ ଚାହୁଁଛନ୍ତି । ତେବେ ଦେଶର ଏଟିଏମରୁ ଦିନକୁ ୨୦୦ ଡଲାର ପର୍ଯ୍ୟନ୍ତ ଟଙ୍କା ଉଠାଇବାର ନିୟମ ରହିଛି । ସରକାରୀ କର୍ମଚାରୀମାନେ କିଛି ମାସ ଧରି ସେମାନଙ୍କ ଦରମା ବି ପାଇନାହାଁନ୍ତି । 

ବିଶ୍ୱର ଅନ୍ୟ ଦେଶରୁ ଆସୁଥିବା ସହାୟତା ପରିମାଣ ହ୍ରାସ ପାଇଛି ବା ବନ୍ଦ ହୋଇଯାଇଛି । ଟଙ୍କା ସ୍ଥାନାନ୍ତର ଭଳି ସୁବିଧା ମଧ୍ୟ ବନ୍ଦ ହୋଇଯାଇଛି । ଲୋକମାନେ ସେମାନଙ୍କର ଅଳଙ୍କାର ବିକ୍ରି କରିବାକୁ ବାଧ୍ୟ ହେଉଛନ୍ତି । କେବଳ ସେତିକି ନୁହେଁ ଦରଦାମ ବି ଆକାଶ ଛୁଆଁ ହୋଇଛି । ନିତ୍ୟ ବ୍ୟବହାର୍ଯ୍ୟ ଜିନିଷ ଦରରେ ବି ହାତ ମାରିହେଉନି । 

Powered by Froala Editor