ଆଫଗାନିସ୍ଥାନ ସରକାରର ମୁଖ୍ୟ ହେବେ ହୈବତୁଲ୍ଲା ଅଖୁନ୍ଦଜାଦା
କାବୁଲ: ଅଗଷ୍ଟ ୧୫ରେ ତାଲିବାନର କାବୁଲ ଦଖଲ ପରେ ଆଫଗାନିସ୍ଥାନରେ ଅମାନବୀୟ କାଣ୍ଡ ଘଟାଉଛି ତାଲିବାନ । ଏଥିପାଇଁ ଅନେକ ଲୋକ ଦେଶ ଛାଡି ଚାଲି ଯାଉଛନ୍ତି । ଏହି ସପ୍ତାହରେ ଆମେରିକା ସମ୍ପୂର୍ଣ୍ଣ ସୈନ୍ୟ ପ୍ରତ୍ୟାହାର କରି ନେଇଥିବାରୁ ତାଲିବାନ ଆନନ୍ଦିତ ହୋଇ ଦେଶରେ ଶାନ୍ତି ଓ ନିରାପତ୍ତା ଆଣିବାର ପ୍ରତିଶ୍ରୁତି ଦୋହରାଇଥିଲା । ଏହାରି ଭିତରେ ଆଜି ଆଫଗାନିସ୍ଥାନରେ ସରକାର ଗଠନ କରିବା ନେଇ ତାଲିବାନ ଘୋଷଣା କରିଛି । ଆଫଗାନିସ୍ଥାନର ପରବର୍ତ୍ତୀ ସରକାର ପ୍ରଧାନମନ୍ତ୍ରୀ ପଦ ରହିବ ବୋଲି ଜାତୀୟ ଗଣମାଧ୍ୟମ ରିପୋର୍ଟରେ ପ୍ରକାଶ ପାଇଛି । ଏହା ସହିତ ତାଲିବାନ ହେଡ୍ ହୈବତୁଲ୍ଲା ଅଖୁନ୍ଦଜାଦା ଆଫଗାନିସ୍ଥାନ ସରକାରର ମୁଖ୍ୟ ହେବେ ବୋଲି ତାଲିବାନ କଲ୍ଚରାଲ୍ କମିସନର ଅନ୍ୟତମ ସଦସ୍ୟ ଅନାମୁଲ୍ଲା ସମନଗନି ସୂଚନା ଦେଇଛନ୍ତି ।
Powered by Froala Editor
