ବୁଡ଼ିଗଲା ବାଲି ବୋଝେଇ ଡଙ୍ଗା
ବିହାର ଛପରାରେ ଏକ ବାଲି ବୋଝେଇ ଡଙ୍ଗା ଓଲଟି ପଡିଛି । ଗଙ୍ଗା ନଦୀରେ ପାର ହେଉଥିବାବେଳେ ଡେରିଗଂଜ ଓ ମନେର ସୀମା ନାସ ନିକଟରେ ଏହି ଦୁର୍ଘଟଣା ଘଟିଛି । ଡଙ୍ଗାରେ ୧୪ ଜଣ ଶ୍ରମିକ ଥିଲେ ବୋଲି ସୂଚନା ମିଳିଛି । ସୂଚନା ପାଇ ଜିଲ୍ଲା ଅଧିକାରୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
କୋଇଲୱରରୁ ବାଲି ଆଣି ଡଙ୍ଗା ଫେରୁଥିଲା। ଡଙ୍ଗାରେ ବାଲି ଲଦିଥିବା ଶ୍ରମିକ ମଧ୍ୟ ଥିଲେ। ଡଙ୍ଗା ହଠାତ ଗଙ୍ଗା ନଦୀରେ ଓଲଟି ପଡିଛି। ଗଙ୍ଗାରେ ନିଖୋଜ ହୋଇଥିବା ଶ୍ରମିକ ମୁଜାଫରପୁର ଓ ମୋତିହାରୀର ବୋଲି କୁହାଯାଇଛି। ଘଟଣାସ୍ଥଳକୁ ଉଦ୍ଧାରକାରୀଙ୍କୁ ମଧ୍ୟ ଡକାଯାଇଛି। ଗଙ୍ଗାରେ ପାଣିର ପ୍ରଖର ସ୍ରୋତ ହେତୁ ଅଧିକାରୀମାନେ ଏକ ପ୍ରକାର ଅସହାୟ ହୋଇପଡିଛନ୍ତି। ମୋଟର ଡଙ୍ଗା ଦ୍ୱାରା ଘଟଣାସ୍ଥଳରେ ତଦନ୍ତ କରାଯାଉଛି। କିଛି ଶ୍ରମିକ ପହଁରି ପହଁରି ବାହାରକୁ ଆସିଛନ୍ତି ବୋଲି ମଧ୍ୟ କୁହାଯାଉଛି। କିନ୍ତୁ ଏ ସମ୍ପର୍କରେ କିଛି ସ୍ପଷ୍ଟ ହୋଇନାହିଁ।
Powered by Froala Editor
