ମୌସୁମୀ ଅଧିବେଶନ: ୮ଟି କାର୍ୟ୍ୟ ଦିବସ, ୧୨ଟି ବିଲ
ଭୁବନେଶ୍ବର: ଆଜି ଠାରୁ ରାଜ୍ୟ ବିଧାନସଭାର ମୌସୁମୀ ଅଧିବେଶନ । ବୁଧବାର ଠାରୁ ଆସନ୍ତା ୯ ତାରିଖ ପର୍ୟ୍ୟନ୍ତ ଚାଲିବାକୁ ଥିବା ଏହି ସ୍ବଳ୍ପକାଳୀନ ଅଧିବେଶନ ବେଶ ଗୁରୁତ୍ବପୂର୍ଣ୍ଣ ହୋଇପାରେ । ଅଧିବେଶନରେ ମୋଟ ୮ଟି କାର୍ୟ୍ୟ ଦିବସ ଥିବାବେଳେ, ୧୨ଟି ବିଲ ଆସିବ । ପ୍ରଥମ ଦିନରେ ୭ଟି ବିଲ ସହ ଗୋଟିଏ ଅଧ୍ୟାଦେଶ ଆଣିବେ ସରକାର । ୩ ତାରିଖରେ ବେସରକାରୀ ଦିବସ ରହିଛି ।
ବିଧାନସଭା ପକ୍ଷରୁ ମିଳିଥିବା ସୂଚନା ଅନୁସାରେ ଆଜି ଗୃହରେ ଓଡିଶା ଦ୍ରବ୍ୟ ସେବା କର (ସଂଶୋଧନ) ବିଲ ୨୦୨୧, ଭାରତୀୟ ଷ୍ଟାମ୍ପ ଓଡିଶା (ସଂଶୋଧନ) ବିଲ ୨୦୨୧, ଓଡିଶା ସରକାରୀ ଜମି ବନ୍ଦୋବସ୍ତ(ସଂଶୋଧନ) ବିଲ-୨୦୨୧, ଓଡିଶା ବୈଷୟିକ ଗବେଷଣା ବିଶ୍ବବିଦ୍ୟାଳୟ ବିଲ-୨୦୨୧, ଓଡିଶା ସ୍ବାସ୍ଥ୍ୟ ବିଜ୍ଞାନ ବିଶ୍ବବିଦ୍ୟାଳୟ ବିଲ-୨୦୨, ଓଡିଶା ବସ୍ତି ବାସିନ୍ଦା ଭୂମି ଅଧିକାର (ସଂଶୋଧନ) ବିଲ-୨୦୨୧ ଓ ଓଡିଶା ସହର ଯୋଜନା ଅଭିବୃଦ୍ଧି (ସଂଶୋଧନ) ଅଧ୍ୟାଦେଶ-୨୦୨୧ ଆଗତ ହେବ ।ଅଧିବେଶନ ସ୍ବଳ୍ପ ଥିଲେ ମଧ୍ୟ ରାଜ୍ୟବାସୀଙ୍କ ସ୍ବାର୍ଥ ପାଇଁ ବେଶ ଜରୁରୀ । ଏଥିପାଇଁ ୩ ପ୍ରମୁଖ ଦଳ ନିଜ ନିଜ ରଣନୀତି ପ୍ରସ୍ତୁତ କରିଛନ୍ତି ।
Powered by Froala Editor
