ଭୁବନେଶ୍ୱର : ସରକାରୀ ମାଧ୍ୟମିକ ବିଦ୍ୟାଳୟ ତଥା ହାଇସ୍କୁଲ ଗୁଡ଼ିକରେ ଖାଲି ପଡ଼ିଥିବା ଶିକ୍ଷକ ପଦ ପୂରଣ ଦିଗରେ ଗଣଶିକ୍ଷା ବିଭାଗ ପକ୍ଷରୁ ପଦକ୍ଷେପ ନିଆଯାଇଛି । କଳା ଓ ବିଜ୍ଞାନରେ ୬୬୯୮ ଶିକ୍ଷକ ପଦ ପୂରଣ କରାଯିବ । ଏଥିସହ ୨୫ଟି ତେଲୁଗୁ ଶିକ୍ଷକ ପଦରେ ନିଯୁକ୍ତି ଦିଆଯିବ ବୋଲି ମାଧ୍ୟମିକ ଶିକ୍ଷା ନିର୍ଦେଶାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । କଳାରେ ୩୧୩୬ ଟ୍ରେଣ୍ଡ ଗ୍ରାଜୁଏଟ ଟିଚର(ଟିଜିଟି) ନିଯୁକ୍ତ ହେବେ । ଯେଉଁଥିରେ ସାଧାରଣବର୍ଗଙ୍କ ଲାଗି ୧୧୫୬, ଏସଟି ବର୍ଗଙ୍କ ପାଇଁ ୧୨୧୦, ଏସସିଙ୍କ ପାଇଁ ୬୪୨ ଓ ଏସଇବିସିଙ୍କ ଲାଗି ୧୨୮ ପଦ ସଂରକ୍ଷିତ ରହିଛି । କଟକ ଜିଲ୍ଲାରେ ସର୍ବାଧିକ ୨୭୦ ପଦ ପୂରଣ ହେବାକୁ ଥିବା ବେଳେ ଗଞ୍ଜାମରେ ୨୩୮, ଯାଜପୁରରେ ୨୦୬, ସୁନ୍ଦରଗଡ଼ରେ ୧୮୨, ଖୋର୍ଦ୍ଧାରେ ୧୭୬, ମୟୂରଭଞ୍ଜରେ ୧୫୮, ପୁରୀରେ ୧୪୫, କେନ୍ଦୁଝରରେ ୧୪୧, ବଲାଙ୍ଗୀରରେ ୧୩୬, ଜଗତସିଂହପୁରରେ ୧୩୨, ଢେଙ୍କାନାଳରେ ୧୨୯, ଅନୁଗୁଳରେ ୧୨୦, କଳାହାଣ୍ଡିରେ ୧୧୯, ନୟାଗଡ଼ରେ ୧୧୯, ବାଲେଶ୍ୱରରେ ୧୧୪ ପଦ ପୂରଣ କରାଯିବ । ସେହିପରି ବିଜ୍ଞାନର ପିସିଏମ ଟିଜିଟିରେ ୧୮୪୨ ପଦ ପୂରଣ ହେବ । ସାଧାରଣବର୍ଗଙ୍କ ପାଇଁ ୬୫୦ ପଦ ଥିବା ବେଳେ ଏସଟି ବର୍ଗଙ୍କ ଲାଗି ୮୧୪, ଏସସିଙ୍କ ପାଇଁ ୩୬୦ ଓ ଏସଇବିସିଙ୍କ ପାଇଁ ୧୮ ପଦ ରହିଛି । ଗଞ୍ଜାମରେ ସର୍ବାଧିକ ୧୬୫, ପୁରୀରେ ୧୩୨, ବୌଦ୍ଧ ୧୦୦ରେ ପଦ ପୂରଣ ହେବ । ବିଜ୍ଞାନର ସିବିଜେଡ ଟିଜିଟିରେ ପୂରଣ ହେବାକୁ ଥିବା ୧୭୧୭ସିଟ ମଧ୍ୟରୁ ଗଞ୍ଜାମରେ ୧୪୧, କଟକରେ ୧୦୬, ପୁରୀରେ ୧୦୧ ପଦ ରହିଛି । ପୂରଣ ହେବାକୁ ଥିବା ୨୫ତେଲୁଗୁ ପଦ ମଧ୍ୟରୁ ଗଞ୍ଜାମରେ ୨୨, ଖୋର୍ଦ୍ଧାରେ ୨ ଓ ଗଜପତି ଜିଲ୍ଲାରେ ଗୋଟିଏ ପଦବୀ ରହିଛି । ଏଥିରେ ସାଧାରଣବର୍ଗଙ୍କ ପାଇଁ ୧୩ଟି, ଏସଟିଙ୍କ ପାଇଁ ୮ ଓ ଏସସିଙ୍କ ଲାଗି ୪ଟି ପଦବୀ ସଂରକ୍ଷିତ ରଖାଯାଇଛି ।

Powered by Froala Editor