ଦେଶରେ ‘ପିଏମ୍‌-କେୟାର୍ସ ଫଣ୍ଡ୍‌’ରୁ ପ୍ରାପ୍ତ ଅର୍ଥରେ ୧୦୦ଟି ନୂଆ ହସ୍ପିଟାଲ୍‌ରେ ‘ଅକ୍ସିଜେନ୍‌ ପ୍ଲାଣ୍ଟ୍‌’ ନିର୍ମାଣ କରାଯିବ । ଦେଶରେ ବୃଦ୍ଧି ପାଉଥିବା କରୋନା ସଂକ୍ରମଣକୁ ନଜରରେ ରଖି କେନ୍ଦ୍ର ସରକାର ଏପରି ନିଷ୍ପତ୍ତି ନେଇଛନ୍ତି । ବିଦେଶରୁ ଅମ୍ଳଜାନ ଆମଦାନୀ କରିବେ କେନ୍ଦ୍ର ସରକାର । ଆମଦାନୀ ହେବାକୁ ଥିବା ୫୦୦୦୦ ମେଟ୍ରିକ ଟନ୍ ମେଡିକାଲ ଅକ୍ସିଜେନ୍ ଚାହିଦାକୁ ପୂରଣ କରିବ ବୋଲି ଅନୁମାନ କରାଯାଉଛି । ପ୍ରଥମ ପର୍ଯ୍ୟାୟରେ ଦେଶର ୧୨ଟି ରାଜ୍ୟକୁ ଏହି ଅକ୍ସିଜେନ୍ ଯୋଗାଇ ଦିଆଯିବ । ଆବଶ୍ୟକତା ଅନୁସାରେ ସର୍ବାଧିକ ପ୍ରଭାବିତ ରାଜ୍ୟକୁ ଏହା ପ୍ରଦାନ କରାଯିବ । ଏଥିପାଇଁ ସ୍ୱାସ୍ଥ୍ୟ ଓ ବୈଦେଶିକ ମନ୍ତ୍ରାଳୟକୁ ସମସ୍ତ ପ୍ରକ୍ରିୟା ପୂରଣ କରିବା ପାଇଁ ନିର୍ଦ୍ଦେଶ ଦିଆଯାଇଛି । ସରକାରଙ୍କର ଏକ ବିବୃତିରେ ଉଲ୍ଲେଖ ଅଛି ଯେ, ମହାରାଷ୍ଟ୍ର, ମଧ୍ୟପ୍ରଦେଶ, ଗୁଜରାଟ, ଉତ୍ତର ପ୍ରଦେଶ, ଦିଲ୍ଲୀ, ଛତିଶଗଡ଼, କର୍ଣ୍ଣାଟକ, କେରଳ, ତାମିଲନାଡୁ, ପଞ୍ଜାବ, ହରିୟାଣା ଏବଂ ରାଜସ୍ଥାନ ଆଦି ୧୨ଟି ରାଜ୍ୟକୁ ‘ହାଇ ବର୍ଡନ୍‌’ ଭାବେ ଚିହ୍ନଟ କରାଯାଇଛି। ତେଣୁ ଏହି ରାଜ୍ୟ ମାନଙ୍କରେ ପ୍ରାଥମିକତା ଭିତ୍ତିରେ ଅକ୍ସିଜେନ୍ ପହଁଚାଯିବ । ତେଣୁ ସେ ଅଞ୍ଚଳରେ ଥିବା ଡାକ୍ତରଖାନାମାନଙ୍କରେ ‘ଅକ୍ସିଜେନ୍‌’ ପ୍ରସ୍ତୁତ କରିବା ଲାଗି ୧୬୨ଟି ‘ପ୍ରେସର୍‌ ସ୍ୱିଙ୍ଗ୍‌ ଆଡ୍‌ସର୍ପସନ୍‌ ପ୍ଲାଣ୍ଟ୍‌’ ବସାଇବା ଲାଗି ‘ପିଏମ୍‌-କେୟାର୍ସ’ ଫଣ୍ଡ୍‌’ରୁ ମଞ୍ଜୁରି ମିଳିବା ପ୍ରସଙ୍ଗରେ ସମୀକ୍ଷା ଚାଲିଛି।