ଅନଲାଇନ ଆରଟିଆଇ ଦରଖାସ୍ତର ହାର୍ଡକପି ଦାଖଲ ଅନାବଶ୍ୟକ: ରାଜ୍ୟ ସୂଚନା କମିସନ
କଟକ: ସୂଚନା ଅଧିକାର ଆଇନ (ଆରଟିଆଇ) ବଳରେ ତଥ୍ୟ ହାସଲ ପାଇଁ ଅନଲାଇନରେ ଦରଖାସ୍ତ ଦାଖଲ କରୁଥିବା ଆବେଦନକାରୀ ଦରଖାସ୍ତର ହାର୍ଡ କପି ଦାଖଲ କରିବା ଆବଶ୍ୟକ ନୁହେଁ । ଏଭଳି ସ୍ପଷ୍ଟୀକରଣ ରାଜ୍ୟ ସୂଚନା କମିସନ ୱେବସାଇଟରେ ଜୁଲାଇ ୨୬ରେ ଜାରି କରାଯାଇଛି । ସୂଚନା କମିସନଙ୍କ ଏପରି ନିଦେ୍ଧର୍ଶ କୌଣସି ବିଳମ୍ବ ନ କରି କାର୍ଯ୍ୟକାରୀ ପାଇଁ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସଚିବଙ୍କୁ ଚିଠି ଲେଖାଯାଇଛି । ସୂଚନା କମିସନଙ୍କ ରେଜିଷ୍ଟ୍ରାରଙ୍କ ପକ୍ଷରୁ ଦାଖଲ ସତ୍ୟପାଠରେ ଏପରି ତଥ୍ୟ ଉଲ୍ଲେଖ କରାଯାଇଛି । ଅନଲାଇନ ଆରଟିଆଇ ଦରଖାସ୍ତର ହାର୍ଡ କପି ଦାଖଲ ଅନାବଶ୍ୟକ ବୋଲି ରାଜ୍ୟ ସୂଚନା କମିସନ ୱେବସାଇଟରେ ସ୍ପଷ୍ଟୀକରଣ ପ୍ରକାଶ ପାଇବା ଘଟଣାକୁ ବିଚାରକୁ ନେଇ ହାଇକୋର୍ଟ ଏହି ପ୍ରସଙ୍ଗରେ ଆଉ କୌଣସି ନିଦେ୍ର୍ଧଶ ପ୍ରଦାନ ଆବଶ୍ୟକ ନୁହେଁ ବୋଲି କହିଛନ୍ତି । ଏଥିସହିତ ଏ ସମ୍ପର୍କିତ ଆବେଦନର ଶୁଣାଣିରେ ହାଇକୋର୍ଟ ପୂର୍ଣ୍ଣଚ୍ଛେଦ ପକାଇଛନ୍ତି । ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ.ମୁରଲୀଧର ଓ ଜଷ୍ଟିସ ବି.ପି.ରାଉତରାୟଙ୍କୁ ନେଇ ଗଠିତ ଖଣ୍ଡପୀଠ ହରପି୍ରୟା ପଟେଲଙ୍କ ଜନସ୍ୱାର୍ଥ ଆବେଦନର ଶୁଣାଣି କରି ଏପରି ନିଦେ୍ର୍ଧଶ ଦେଇଛନ୍ତି ।
Powered by Froala Editor
