ଶନିବାର ଖୋଲା ରହିବ ହାଇକୋର୍ଟ
କଟକ : ପୂର୍ବ ଭଳି କାର୍ଯ୍ୟଦିବସ ଥିବା ଶନିବାର ହାଇକୋର୍ଟ ଓ ଏହାର କାର୍ଯ୍ୟାଳୟ ଖୋଲା ରହିବ । ଏ ନେଇ ବିଜ୍ଞପ୍ତି ପ୍ରକାଶ ପାଇଛି । କାର୍ଯ୍ୟଦିବସ ଥିବା ସବୁ ଶନିବାର ଦିନ ସ୍ୱାଭାବିକ ଭାବେ ହାଇକୋର୍ଟ ଓ ଏହାର କାର୍ଯ୍ୟାଳୟ ଖୋଲା ରହିବ ବୋଲି ବିଜ୍ଞପ୍ତିରେ ସ୍ପଷ୍ଟ କରାଯାଇଛି । ପୂର୍ବରୁ ଅଗଷ୍ଟ ୨୮ ତାରିଖ ଶନିବାର ଦିନକୁ ହାଇକୋର୍ଟ ପାଇଁ କାର୍ଯ୍ୟଦିବସ ଭାବେ ଘୋଷଣା କରାଯାଇଥିବା ବେଳେ କଟକ, ଭୁବନେଶ୍ୱର ଓ ପୁରୀ ସହର ପାଇଁ ସେପ୍ଟେମ୍ବର ୧ ପର୍ଯ୍ୟ" ରାଜ୍ୟ ସରକାର ଜାରି କରିଥିବା କଟକଣାକୁ ଦୃଷ୍ଟିରେ ରଖି ୨୮ ତାରିଖ ଦିନ କୋର୍ଟ କାର୍ଯ୍ୟ ହେବ ନାହିଁ । କିନ୍ତୁ ହାଇକୋର୍ଟ କାର୍ଯ୍ୟାଳୟ ଖୋଲା ରହିବ ବୋଲି ପ୍ରକାଶିତ ବିଜ୍ଞପ୍ତିରେ ଉଲ୍ଲେଖ କରାଯାଇଛି । ଅଗଷ୍ଟ ୨୮ ବଦଳରେ ଅକ୍ଟୋବର ୩୦କୁ କାର୍ଯ୍ୟ ଦିବସ ଭାବେ ହାଇକୋର୍ଟ ପକ୍ଷରୁ ଘୋଷଣା କରାଯାଇଛି । ଉଲ୍ଲେଖ ଯୋଗ୍ୟ ଯେ କରୋନା କଟକଣା ନେଇ ରାଜ୍ୟ ସରକାର ଜାରି କରିଥିବା ବିଜ୍ଞପ୍ତିକୁ ବିଚାରକୁ ନେଇ ପୂର୍ବରୁ କାର୍ଯ୍ୟ ଦିବସ ଥିବା ସବୁ ଶନିବାର ଦିନ ହାଇକୋର୍ଟ ଓ ଏହାର କାର୍ଯ୍ୟାଳୟ ବନ୍ଦ ରଖିବା ପାଇଁ ଘୋଷଣା କରାଯାଇଥିଲା ।
Powered by Froala Editor
