ଭୁବନେଶ୍ୱର : ଆଜି ପ୍ରଦେଶ କଂଗ୍ରେସ ଭବନ ଠାରେ ଜିଲ୍ଲା କଂଗ୍ରେସ ସଭାପତି ଓ ପର୍ଯ୍ୟବେକ୍ଷକମାନଙ୍କର ଏକ ମିଳିତ ବୈଠକ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ବୈଠକର ପ୍ରାରମ୍ଭରେ ଇତି ମଧ୍ୟରେ ପରଲୋକ ଗମନ କରିଥିବା କଂଗ୍ରେସ ନେତା, ସାହିତି୍ୟକ, ସାମାଜିକ କର୍ମୀ, କରୋନା ଯୋଦ୍ଧାମାନଙ୍କ ଆତ୍ମାର ସଦଗତି ନିମନ୍ତେ ନୀରବ ପ୍ରାର୍ଥନା ସହ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା ।

ଏହି ବୈଠକରେ ଉଦବୋଧନ ଦେଇ ଶ୍ରୀଯୁକ୍ତ ପଟ୍ଟନାୟକ ଉଭୟ ପଂଚାୟତ ଓ ପୌର ନିର୍ବାଚନ ପାଇଁ ଜିଲ୍ଲାସ୍ତରରେ ନିଆଯାଇଥିବା କାର୍ଯ୍ୟକ୍ରମ ସମୀକ୍ଷା କରିଥିଲେ । ଅଗଷ୍ଟ ୩୧ ସୁଦ୍ଧା ବ୍ଲକ କଂଗ୍ରେସ କମିଟି ଓ ପଂଚାୟତ କଂଗ୍ରେସ କମିଟି ତାଲିକା ପିସିସିକୁ ଯୋଗାଇ ଦେବାକୁ ନିଦେ୍ର୍ଧଶ ଦେଇଥିଲେ । ଶ୍ରୀଯୁକ୍ତ ପଟ୍ଟନାୟକ ଉଭୟ ବିଜେଡ଼ି ଓ ବିଜେପିର ବିବିଧ ଜନବିରୋଧି ନିଷ୍ପତିକୁ ନିରବଚ୍ଛିନ୍ନ ଆନେ୍ଦାଳନ ଜରିଆରେ ପ୍ରତିବାଦ କରିବାକୁ ପରାମର୍ଶ ଦେଇଥିଲେ । ଆସନ୍ତା ୩୧ରେ ଭୁବନେଶ୍ୱର ଠାରେ ଏକ ରାଜ୍ୟସ୍ତରୀୟ ପ୍ରଶିକ୍ଷଣ ଶିବିର କରାଯିବାର ସିଦ୍ଧାନ୍ତ ନିଆଯାଇଥିଲା । ଓଡ଼ିଶା ପ୍ରଭାରୀ ତଥା ଏଆଇସିସି ସାଧାରଣ ସଂପାଦକ, ସାଂସଦ ଡ. ଏ ଚେଲା କୁମାର ଓ ଏଆଇସିସି ସଂପାଦକ ରୁଦ୍ର ରାଜୁ ଏହି କାର୍ଯ୍ୟକ୍ରମରେ ଯୋଗଦେବେ । 

ଦଳୀୟ ଶୃଙ୍ଖଳା ବଜାୟ ରଖି ସମସ୍ତ ନେତୃମଣ୍ଡଳୀ ପରସ୍ପର ସହଯୋଗରେ ଉଭୟ ନିର୍ବାଚନର ସାମନା କରିବା ପାଇଁ ସର୍ବସମ୍ମତ ପ୍ରସ୍ତାବ ପାରିତ ହୋଇଥିଲା । ଏଥିସହ ସେପ୍ଟେମ୍ବର ୧୫ରୁ ପିସିସି ସଭାପତିଙ୍କ ସମସ୍ତ ଜିଲ୍ଲା ଗସ୍ତ ଆରମ୍ଭ କରାଯିବାକୁ ସ୍ଥିର ହୋଇଥିଲା । ସେପ୍ଟେମ୍ବର ୧୫ରେ ନୂଆପଡ଼ା ଓ ୧୬ରେ କଳାହାଣ୍ଡି ଜିଲ୍ଲା ଗସ୍ତ ସୂଚୀ ମଧ୍ୟ ନିର୍ଦ୍ଧାରଣ ହୋଇଥିଲା ।

ଅବାଧ ତଥା ନିରପେକ୍ଷ ନିର୍ବାଚନ ପାଇଁ ପଂଚାୟତ ଓ ପୌରପାଳିକାମାନଙ୍କର ନିର୍ବାଚନର ସୀମା ପୁନଃ ନିର୍ଦ୍ଧାରଣ ଓ ସଂରକ୍ଷଣ ଦାୟିତ୍ୱ ରାଜ୍ୟ ପଂଚାୟତ ନିର୍ବାଚନ କମିସନଙ୍କୁ ହସ୍ତାନ୍ତର କରିବା ଅପରିହାର୍ଯ୍ୟ ବୋଲି ବୈଠକରେ ଆଲୋଚନା ହୋଇଥିଲା । ଏଥିନିମନ୍ତେ ରାଜ୍ୟ ସରକାର ତୁରନ୍ତ ଆବଶ୍ୟକୀୟ ଆଇନଗତ ସଂଶୋଧନ କରିବାକୁ ଦାବି କରାଯାଇଥିଲା ।  

Powered by Froala Editor