ଶିକ୍ଷକ ପଦବୀ ପାଇଁ ଆଜିଠୁ ଆବେଦନ, ପୂରଣ ହେବ ୧୧ ହଜାର ୪୫୦ ପଦବୀ
ଭୁବନେଶ୍ୱର: ରାଜ୍ୟରେ ମାଧ୍ୟମିକ ଶିକ୍ଷା ନିଦେ୍ର୍ଧଶାଳୟ ଅଧୀନରେ ୧୧ ହଜାର ୪୫୦ ଶିକ୍ଷକ ପଦବୀ ପୂରଣ ହେବ । ପ୍ରଥମ ପର୍ଯ୍ୟାୟରେ ୪୬୧୯ଟି ପଦବୀ ମଧ୍ୟରୁ ୨୦୫୫ ହିନ୍ଦୀ, ୧୩୦୪ ସଂସ୍କୃତ, ୧୨୬୦ ଶାରୀରିକ ଶିକ୍ଷା ତାଲିମ ଶିକ୍ଷକ (ପିଇଟି) ପୂରଣ ହେବ । ଏଥିପାଇଁ ଆଜି ଠାରୁ ଆବେଦନ ଆରମ୍ଭ ହେବ । ସେପ୍ଟେମ୍ବର ୧୪ ତାରିଖ ସନ୍ଧ୍ୟା ୬ଟା ମଧ୍ୟରେ ଆବେଦନ କରିହେବ । ତେବେ ଅକ୍ଟୋବର ପ୍ରଥମ ସପ୍ତାହରେ ଆଶାୟୀ ଶିକ୍ଷକଙ୍କ ପରୀକ୍ଷା କମ୍ପୁ୍ୟଟରରେ ବା ସିବିଟି ମୋଡରେ ହେବ । ସେହିପରି ଦ୍ୱିତୀୟ ପର୍ଯ୍ୟାୟରେ ୬୦୬୫ ତାଲିମପ୍ରାପ୍ତ ସ୍ନାତକ ଶିକ୍ଷକ (ଟିଜିଟି) ଏବଂ ତେଲୁଗୁ ଶିକ୍ଷକ, ତୃତୀୟ ପର୍ଯ୍ୟାୟରେ ୯୪୦ଟି ନୂତନ ସୃଷ୍ଟି ହୋଇଥିବା ତାଲିମପ୍ରାପ୍ତ ସ୍ନାତକ ଶିକ୍ଷକ, କ୍ଲାସିକାଲ ଏବଂ ହିନ୍ଦୀ ଶିକ୍ଷକ ନିଯୁକ୍ତି ପାଇଁ ଖୁବଶୀଘ୍ର ବିଜ୍ଞପ୍ତି ପ୍ରକାଶ କରାଯିବ । ତେବେ ଚଳିତ ବର୍ଷ ଶେଷ ସୁଦ୍ଧା ରାଜ୍ୟରେ ୧୬ ହଜାରରୁ ଅଧିକ ଶିକ୍ଷକ ନିଯୁକ୍ତି ପାଇଁ ପଦକ୍ଷେପ ନିଆଯାଇଛି ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରନ ଦାଶ କହିଛନ୍ତି ।
Powered by Froala Editor
