ଡେଲ୍ଟା ଭାରିଏଣ୍ଟକୁ ମାତ୍ ଦେବାକୁ ଆରମ୍ଭ ହେବ ବୁଷ୍ଟର ଡୋଜ୍
![ଡେଲ୍ଟା ଭାରିଏଣ୍ଟକୁ ମାତ୍ ଦେବାକୁ ଆରମ୍ଭ ହେବ ବୁଷ୍ଟର ଡୋଜ୍](https://odishanewslens.com/news_gallery/5087_1629357141.jpeg)
ୱାଶିଂଟନ: କରୋନା ମହାମାରୀ ପାଇଁ ସାରା ବିଶ୍ୱ ଏବେ ଚିନ୍ତାରେ । ଦିନକୁ ଦିନ ଏହି ଭୂତାଣୁ ରୂପ ପରିବର୍ତ୍ତନ କରୁଛି । ଟିକାକରଣ ପରେ ବି ଲୋକମାନେ ସଂକ୍ରମିତ ହେଉଛନ୍ତି । ଏପରିକି ସମ୍ପୂର୍ଣ୍ଣ ଟିକାକରଣ ହୋଇଥିଲେ ମଧ୍ୟ ଜୀବନ ଚାଲି ଯାଉଛି । ସବୁଠାରୁ ଘାତକ ସାଜିଛି ଡେଲ୍ଟା ଭାରିଏଣ୍ଟ । ଡେଲ୍ଟା ଯୋଗୁଁ ପୁଣି ଥରେ ପଜିଟିଭ୍ ସଂଖ୍ୟା ବୃଦ୍ଧି ପାଇଛି । ବିଶେଷକରି ଆମେରିକା ଓ ଋଷରେ ଏହାର ପ୍ରଭାବ ଅଧିକ ଦେଖିବାକୁ ମିଳିଛି । ଦୀର୍ଘ ୪ ମାସ ପରେ ଆମେରିକାରେ ଗୋଟିଏ ଦିନରେ ହଜାରେରୁ ଅଧିକ ବ୍ୟକ୍ତିଙ୍କ ମୃତ୍ୟୁ ହୋଇଛି । ଯାହାକୁ ନେଇ ଏବେ ବିଶେଷଜ୍ଞମାନେ ଚିନ୍ତାରେ ପଡ଼ିଛନ୍ତି । ଏହାକୁ ମାତ୍ ଦେବାକୁ ବୁଷ୍ଟର୍ ଡୋଜ୍ ଦେବା ପାଇଁ ନିଷ୍ପତ୍ତି ହୋଇଛି ।
ସମୟ ସହିତ କୋଭିଡ୍-୧୯ ଟିକାର ପ୍ରଭାବ କମ୍ ହେବାରେ ଲାଗିଛି । ଯେଉଁମାନଙ୍କ ରୋଗ ପ୍ରତିରୋଧକ ଶକ୍ତି ଟିକେ କମୁଛି ସେମାନଙ୍କୁ ତୁରନ୍ତ ହେଲ୍ଟା ସଂକ୍ରମଣ କରୁଛି । ଏଥିପାଇଁ ଟିକାର ପ୍ରଭାବ ପୁଣି ଥରେ ବୃଦ୍ଧି କରିବାକୁ ବୁଷ୍ଟର ଡୋଜ୍ ଦିଆଯିବ । ଆସନ୍ତା ସେପ୍ଟେମ୍ବର ୨୦ରୁ ଏହା ଆମେରିକାର ସମସ୍ତ ନାଗରିକଙ୍କୁ ଦିଆଯିବ । ଏଥିପାଇଁ ଅନୁମତି ମିଳିସାରିଛି ।
ଆମେରିକାର ଜଣେ ବିଶେଷଜ୍ଞଙ୍କ କହିବା ଅନୁଯାୟୀ, କୋଭିଡ୍-୧୯ ଟିକା ନେବାର ୮ ମାସ ପରେ ଏହାର ରୋଗ ପ୍ରତିରୋଧକ ଶକ୍ତି ସାମାନ୍ୟ କମି ଥାଏ । ଆଉ ଏହି ସମୟରେ ଜଣେ ବ୍ୟକ୍ତି କୋଭିଡ୍ ସଂକ୍ରମିତଙ୍କ ସଂସ୍ପର୍ଶରେ ଆସିଲେ ସେ ଆକ୍ରାନ୍ତ ହୋଇଥାନ୍ତି । ତେଣୁ ଏଥିପାଇଁ ବୁଷ୍ଟର୍ ଡୋଜ୍ ଆବଶ୍ୟକ ।
Powered by Froala Editor