ନୂଆଦିଲ୍ଲୀ: କୋଭିଡ ଟିକା ପ୍ରମାଣପତ୍ର ଏବେ ହ୍ୱାଟସଆପରେ ମୁହୂର୍ତ୍ତକ ମଧ୍ୟରେ ମିଳିପାରିବ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏହି ସୂଚନା ଦିଆଯାଇଛି । ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ଯାଉଥିବା ଲୋକଙ୍କ ପାଇଁ କେତେକ ରାଜ୍ୟ ସରକାର କରୋନା ଟିକା ନେବାକୁ ବାଧ୍ୟତାମୂଳକ କରିଛନ୍ତି । ସେହିଭଳି ଟିକା ନେଇଥିଲେ ହିଁ କେତେକ ପ୍ରତିଷ୍ଠାନ ଅନ୍ୟମାନଙ୍କୁ ପ୍ରବେଶ ଅନୁମତି ଦେଉଛନ୍ତି । ଏଭଳି ସ୍ଥିତିରେ ସରକାରଙ୍କର ଏଭଳି ପଦକ୍ଷେପକୁ ପ୍ରଶଂସା କରାଯାଇଛି । ହ୍ୱାଟସଆପ ଜରିଆରେ କୋୱିନ ଟିକାକରଣ ପୋର୍ଟାଲରୁ ସହଜରେ ଲୋକମାନେ ସେମାନଙ୍କ ଟିକାକରଣ ପ୍ରମାଣପତ୍ର ପାଇପାରିବେ । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡଭିୟା କହିଛନ୍ତି, ଯେଉଁମାନେ ଏହି ପ୍ରମାଣପତ୍ର ଡାଉନଲୋଡ କରିବାକୁ ଚାହୁଁଛନ୍ତି ସେମାନଙ୍କୁ ଗୋଟିଏ ଟେଲିଫୋନ ନମ୍ବରକୁ ହ୍ୱାଟସଆପ ମେସେଜ ପଠାଇ ପାରିବେ । ଏଥିପାଇଁ ଫୋନରେ ପ୍ରଥମେ +୯୧ ୯୦୧୩୧୫୧୫୧୫ ସେଭ କରିବାକୁ ହେବ । ଏହା ପରେ covid certificatର ଟାଇପ କରି ପଠାଇବାକୁ ହେବ । ତା ହା ପରେ ଏକ ଓଟିପି ଆସିବ । ଓଟିପି ଏଣ୍ଟର କରିଲେ ମୁହୂର୍ତ୍ତକ ମଧ୍ୟରେ ପ୍ରମାଣପତ୍ର ମିଳିଯିବ ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଟ୍ୱିଟ କରାଯାଇଛି । ବିଭିନ୍ନ ମହଲରୁ ଏହାକୁ ସ୍ୱାଗତ କରାଯାଇଛି । କଂଗ୍ରେସ ନେତା ତଥା ତିରୁଅନନ୍ତପୁରମ ସାଂସଦ ଶଶୀ ଥରୁର ଏହି ପ୍ରକି୍ରୟାକୁ ସହଜ ଏବଂ ତ୍ୱରିତ ବୋଲି ଦର୍ଶାଇଛନ୍ତି ।

Powered by Froala Editor