ମହିଳା ହକି ଟିମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା
ଭୁବନେଶ୍ବର: ମହିଳା ହକି ଟିମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି । 'ଜାରି ରହୁ ବିଜୟ ଯାତ୍ରା' ବୋଲି କହିଛନ୍ତି ନବୀନ । ଟୋକିଓ ଅଲମ୍ପିକର ମହିଳା ହକି ପ୍ରତିଯୋଗିତାରେ ସେମିଫାଇନାଲରେ ପ୍ରବେଶ କରିଛି ଭାରତ । ରାନୀ ରାମପାଲଙ୍କ ଟିମ ଗୁରୁତ୍ବପୂର୍ଣ୍ଣ କ୍ବାର୍ଟର-ଫାଇନାଲ ମୁକାବିଲାରେ ଶକ୍ତିଶାଳୀ ବୋଲାଉଥିବା ଅଷ୍ଟ୍ରଲିଆ ଟିମକୁ ୧-୦ରେ ମାତ୍ ଦେଇଛି । ଉଭୟ ପୁରୁଷ ଓ ମହିଳା ହକି ଟିମର ପ୍ରାୟୋଜକ ରହିଛି ଓଡିଶା ।
ମ୍ୟାଚର ଦ୍ବିତୀୟ ୧୫ ମିନିଟରେ ପେନାଲିଟି କର୍ଣ୍ଣର ସୁଯୋଗକୁ ଗୁରଜିତ କୌର ଦମଦାର ଗୋଲ୍ରେ ପରିଣତ କରିବା ପରେ ଭାରତ ୧-୦ରେ ଆଗୁଆ ରହିଥିଲା । ପରେ ଭାରତୀୟ ଟିମ ପ୍ରତିପକ୍ଷ କଙ୍ଗାରୁ ଖେଳାଳିଙ୍କୁ ପରବର୍ତ୍ତୀ ଦୁଇଟି କ୍ବାର୍ଟରରେ ଗୋଲ୍ କରିବାକୁ କୌଣସି ସୁଯୋଗ ଦେଇନଥିଲେ ।ସବିତା ପୁନିଆଙ୍କ ନେତୃତ୍ବରେ ଟିମର ଡିଫେନ୍ସ ଦମଦାର ରହିଥିଲା ଫଳରେ ତୃତୀୟ ଓ ଚତୁର୍ଥ କ୍ବାର୍ଟର ଗୋଲ୍ଶୂନ୍ୟ ରହିଥିଲା । ଫଳରେ ଭାରତ ସେମିଫାଇନାଲରେ ସ୍ଥାନ ପକ୍କା କରିଛି ।
Powered by Froala Editor
