ତୃଣମୂଳ କଂଗ୍ରେସ (TMC) ରେ ବଡ଼ ଧରଣର ବିଦ୍ରୋହ। ଶତ୍ରୁଘ୍ନ ସିହ୍ନା, ୟୁସୁଫ୍ ପଠାନ୍ ଏବଂ ସାୟୋନୀ ଘୋଷଙ୍କ ସମେତ ୧୯ ଜଣ ଲୋକସଭା ସାଂସଦ ମମତାଙ୍କ ବିରୋଧରେ ବିଦ୍ରୋହ ଘୋଷଣା କରିଛନ୍ତି। ପୂର୍ବରୁ କୁହାଯାଉଥିଲା ଶତ୍ରୁଘ୍ନ ସିହ୍ନା ଦିଦିଙ୍କ ସହ ରହିଛନ୍ତି । ସେ ଏହି ତାଲିକାରେ ନାହାନ୍ତି । ମାତ୍ର ଏବେ ଏହି ୧୯ ତାଲିକାରେ ତାଙ୍କ ନାମ ରହିଛି । ପଶ୍ଚିମବଙ୍ଗ ବିଧାନସଭା ପରେ ଏବେ ସଂସଦରେ ମଧ୍ୟ ମମତା ବାନାର୍ଜୀଙ୍କ ନେତୃତ୍ୱକୁ ମିଳିଛି ବଡ଼ ଚ୍ୟାଲେଞ୍ଜ।

ଟିଏମସିର ୨୮ ଜଣ ସାଂସଦଙ୍କ ମଧ୍ୟରୁ ୧୯ ଜଣ ବିଦ୍ରୋହୀ ତାଲିକାରେ ସ୍ୱାକ୍ଷର କରି ସ୍ୱତନ୍ତ୍ର ଗୋଷ୍ଠୀ ଗଠନ କରିଛନ୍ତି। କାକୋଲି ଘୋଷ ଦସ୍ତିଦାରଙ୍କ ନେତୃତ୍ୱରେ ଏହି ଅଲଗା ଗୋଷ୍ଠୀ ବାବଦରେ ବାଚସ୍ପତି ଓମ୍ ବିର୍ଲାଙ୍କୁ ଅବଗତ କରାଯାଇଛି। ଏହି ତାଲିକାରେ ରହିଛନ୍ତି ସାୟାନୀ ଘୋଷ, ୟୁସୁଫ୍ ପଠାନ୍,ଜଗଦିଶଚନ୍ଦ୍ର ବଶୁନିଆ, ଖଲିଲୁର ରହମାନ, ଅବୁ ତାହେର ଖାନ୍, ପାର୍ଥ ଭୌମିକ୍,ବାପୀ ହଲଦାର, ମାଲା ରୟ, ମିତାଲି ବାଗ୍, ଦୀପକ ଅଧିକାରୀ, କାଳୀପଦ ସୋରେନ୍, ଜୁନ୍ ମାଲିଆ, ଅରୂପ ଚକ୍ରବର୍ତ୍ତୀ, ଶର୍ମିଲା ସରକାର, ଶତ୍ରୁଘ୍ନ ସିହ୍ନା, ଅସିତ କୁମାର ମାଲ, ଶତ୍ବାଦ୍ଧୀ ରୟ ଏବଂ ରଚନା ବାନାର୍ଜୀ ।

ଦଳବଦଳ ବିରୋଧୀ ଆଇନରୁ ବର୍ତ୍ତିବା ପାଇଁ ଏହି ସାଂସଦମାନେ ଏବେ ବିଜେପିରେ ଯୋଗ ନଦେଇ ଏନଡିଏ (NDA) କୁ ବାହାରୁ ସମର୍ଥନ ଦେବେ। ଦିଲ୍ଲୀରେ ବିଜେପି ନେତା ଭୂପେନ୍ଦ୍ର ଯାଦବଙ୍କ ବାସଭବନରେ ବିଦ୍ରୋହୀ ସାଂସଦମାନଙ୍କର ଏକ ଗୁପ୍ତ ବୈଠକ ହୋଇଥିବା ସୂଚନା ମିଳିଛି। ଏହାପୂର୍ବରୁ ପଶ୍ଚିମବଙ୍ଗ ବିଧାନସଭାରେ ମଧ୍ୟ ଟିଏମସିର ୮୦ ବିଧାୟକଙ୍କ ମଧ୍ୟରୁ ୫୮ ଜଣ ଦଳୀୟ ନିଷ୍ପତ୍ତି ବିରୋଧରେ ବିଦ୍ରୋହ କରିଥିଲେ।

Powered by Froala Editor