ପୁରୀ : ଶ୍ରୀମନ୍ଦିରକୁ ପ୍ରତିଦିନ ହଜାର ହଜାର ଶ୍ରଦ୍ଧାଳୁ ମହାପ୍ରଭୂଙ୍କ ଦର୍ଶନ ପାଇଁ ଆସୁଛନ୍ତି । ଶ୍ରଦ୍ଧାଳୁମାନଙ୍କ ଜରିଆରେ ଏବେ ସେବାୟତ ଓ କର୍ମଚାରୀମାନେ କରୋନାରେ ସଂକ୍ରମିତ ହୋଇଛନ୍ତି । ମିଳିଥିବା ସୂଚନାନୁଯାୟୀ, ପୁରୀରେ ୭ ସେବାୟତ ଓ ସେମାନଙ୍କ ପରିବାରର ୩ ଜଣ କରୋନାରେ ସଂକ୍ରମିତ ହୋଇଛନ୍ତି । ଖାଲି ସେତିକିନୁହେଁ ଜୋତା ଷ୍ଟାଣ୍ଡର ୮ ଜଣ ଓ ଶ୍ରୀମନ୍ଦିର ପ୍ରଶାସନର ୩ କର୍ମଚାରୀ ମଧ୍ୟ କରୋନାରେ ଆକ୍ରାନ୍ତ ହୋଇଛନ୍ତି । ଏହାଛଡ଼ା ଜଗନ୍ନାଥ ଟେମ୍ପଲ ପୁଲିସ ଓ ଜଣେ ମାଳି ମଧ୍ୟ କରୋନାରେ ସଂକ୍ରମିତ ହୋଇଥିବା ଜଣାପଡ଼ିଛି । ସୂଚନାଯୋଗ୍ୟଯେ, ଅନୁଗୁଳରେ ୨୦, ବାଲେଶ୍ୱରରେ ୭୨, ବରଗଡ଼ରେ ୮୭, ଭଦ୍ରକରେ ୩୦, ବଲାଙ୍ଗୀରରେ ୯୧, ବୌଦ୍ଧରେ ୪, କଟକରେ ୫୯, ଦେବଗଡ଼ରେ ୧୨, ଢେଙ୍କାନାଳରେ ୨, ଗଜପତିରେ ୧୬, ଗଞ୍ଜାମରେ ୮୦, ଜଗତସିଂହପୁରରେ ୭, ଯାଜପୁରରେ ୩୩, ଝାରସୁଗୁଡ଼ାରେ ୧୦, କଳାହାଣ୍ଡିରେ ୬୮, କନ୍ଧମାଳରେ ୧୩, କେନ୍ଦ୍ରାପଡ଼ାରେ ୧୮, କେନ୍ଦୁଝରରେ ୫୪, ଖୋର୍ଦ୍ଧାରେ ୨୦୧, କୋରାପୁଟରେ ୧୦, ମାଲକାନାଗିରିରେ ୧, ମୟୂରଭଞ୍ଜରେ ୨୭, ନବରଙ୍ଗପୁରରେ ୬୭, ନୟାଗଡ଼ରେ ୧୪, ନୂଆପଡ଼ାରେ ୩୦୩, ପୁରୀରେ ୫୩, ରାୟଗଡ଼ାରେ ୨୫, ସମ୍ବଲପୁରରେ ୧୧୪, ସୋନପୁରରେ ୬, ସୁନ୍ଦରଗଡ଼ରେ ୨୪୧ ଓ ରାଜ୍ୟପୁଲରେ ୪୬ ଜଣ ସଂକ୍ରମିତ ହୋଇଛନ୍ତି ।