ଆମଦାନୀ ଶୁଳ୍କ ବୃଦ୍ଧି ପରେ ୨୪ କ୍ୟାରେଟ୍‌ ସୁନା ଦର ଏକାଥରକେ ୧୩,୯୧୦ ଟଙ୍କା ବୃଦ୍ଧି ପାଇଛି। ଗତ କାଲି ୨୪ କ୍ୟାରେଟ୍ ସୁନା ଦର ୧୦ ଗ୍ରାମକୁ ୧ ଲକ୍ଷ ୫୩ ହଜାର ୯୮୦ ଟଙ୍କା ଥିବା ବେଳେ ତାହା ବୃଦ୍ଧି ପାଇ ୧ଲକ୍ଷ ୬୭ ହଜାର ୮୯୦ ଟଙ୍କା ହୋଇଛି। ସେହିପରି ୨୨ କ୍ୟାରେଟ୍‌ ସୁନା ଦର ୧୦ ଗ୍ରାମ ପିଛା ୧୨,୭୫୦ ଟଙ୍କା ବୃଦ୍ଧି ପାଇ ୧ଲକ୍ଷ ୫୩ ହଜାର ୯୦୦ ଟଙ୍କାରେ ପହଞ୍ଚିଛି। ୧୮ କ୍ୟାରେଟ୍ ସୁନା ଦର ୧୦ ହଜାର ୪୩୦ ଟଙ୍କା ବଢି ୧ ଲକ୍ଷ ୨୫ ହଜାର ୯୨୦ ଟଙ୍କା ହୋଇଛି। ଗତ କାଲି ତାହା ୧ ଲକ୍ଷ ୧୫ ହଜାର ୪୯୦ ଟଙ୍କା ଥିଲା। 

ଆମଦାନୀ ଶୁଳ୍କ ବୃଦ୍ଧି କରିବା ପାଇଁ ସରକାରଙ୍କ ନିଷ୍ପତ୍ତି ବିଶ୍ୱର ଦ୍ୱିତୀୟ ସର୍ବବୃହତ ଗ୍ରାହକ ବଜାରରେ ମୂଲ୍ୟବାନ ଧାତୁ ପାଇଁ ଚାହିଦାକୁ କମ କରିପାରେ। ତଥାପି ଏହି ପଦକ୍ଷେପ ଭାରତର ବାଣିଜ୍ୟ ନିଅଣ୍ଟକୁ ହ୍ରାସ କରିବାରେ ସାହାଯ୍ୟ କରିପାରେ ଏବଂ ଟଙ୍କାକୁ ସମର୍ଥନ ଯୋଗାଇପାରେ। ବର୍ତ୍ତମାନ ଭାରତୀୟ ମୁଦ୍ରା ଟଙ୍କା ଏସିଆର ସବୁଠାରୁ ଖରାପ ପ୍ରଦର୍ଶନ କରୁଥିବା ମୁଦ୍ରା ମଧ୍ୟରୁ ଗୋଟିଏ।

ଅନ୍ୟପଟେ ରୁପା ମଧ୍ୟ ୧ କେଜି ପିଛା ୩୦ ହଜାର ଟଙ୍କା ବଢିଛି। ଗତ କାଲି ରୁପା ଦର ୩ ଲକ୍ଷ ଟଙ୍କା ଥିବା ବେଳେ ଆଜି ତାହା ବୃଦ୍ଧି ପାଇ ୩ ଲକ୍ଷ ୩୦ ହଜାର ଟଙ୍କାରେ ପହଞ୍ଚିଛି। ବୁଧବାର କେନ୍ଦ୍ର ସରକାରଙ୍କ ଦ୍ୱାରା ଜାରି ଏକ ଆଦେଶରେ କୁହାଯାଇଛି ଯେ, ଭାରତ ସୁନା ଏବଂ ରୂପା ଉପରେ ଆମଦାନୀ ଶୁଳ୍କ ୬% ରୁ ୧୫% ବୃଦ୍ଧି କରିଛି। ଏହି ପଦକ୍ଷେପ ବିଦେଶରୁ ଏହି ଧାତୁ କ୍ରୟକୁ ରୋକିବା ଏବଂ ଦେଶର ବୈଦେଶିକ ମୁଦ୍ରା ଭଣ୍ଡାର ଉପରେ ଚାପ କମାଇବା ପାଇଁ ଏକ ପ୍ରୟାସର ଅଂଶ।

Powered by Froala Editor