ସରକାରଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି, ୩୦ ପର୍ଯ୍ୟନ୍ତ ପେଟ୍ରୋକେମିକାଲ୍ ଉତ୍ପାଦ ଉପରେ କଷ୍ଟମ୍ ଶୁଳ୍କ ଛାଡ଼
ନୂଆଦିଲ୍ଲୀ: ଆଜି ମଧ୍ୟପ୍ରାଚ୍ୟ ଯୁଦ୍ଧର ୩୪ତମ ଦିନ। ବିଶ୍ଵ ବାଣିଜ୍ୟକୁ ଏହା ବେଶ୍ ଗୁରୁତର ଭାବେ ପ୍ରଭାବିତ କରିଛି। ତେବେ ଏହି ସମୟରେ, ଭାରତ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଜୁନ୍ ୩୦ ତାରିଖ ପର୍ଯ୍ୟନ୍ତ ପ୍ରମୁଖ ପେଟ୍ରୋକେମିକାଲ୍ ଉତ୍ପାଦ ଗୁଡ଼ିକ ଉପରେ ସମ୍ପୂର୍ଣ୍ଣ କଷ୍ଟମ୍ ଶୁଳ୍କ ଛାଡ଼ ଦେବାକୁ ନିଷ୍ପତ୍ତି ନେଇଛନ୍ତି। ଏହାକୁ ସାର ଏବଂ ଔଷଧ କ୍ଷେତ୍ର ପାଇଁ ଏକ ପ୍ରମୁଖ ଆଶ୍ୱସ୍ତି ବୋଲି ବିବେଚନା କରାଯାଉଛି।ସରକାର ଆମୋନିୟମ୍ ନାଇଟ୍ରେଟ୍ ଏବଂ ଅନେକ ପେଟ୍ରୋକେମିକାଲ୍ ଉତ୍ପାଦଗୁଡ଼ିକ ଉପରେ ଆମଦାନୀ ଶୁଳ୍କ ଛାଡ଼ କରିଛନ୍ତି। ଏହା ଏପ୍ରିଲ୍ ୨ ରୁ ଜୁନ୍ ୩୦ ପର୍ଯ୍ୟନ୍ତ କାର୍ଯ୍ୟକାରୀ ହେବ। ଅର୍ଥ ମନ୍ତ୍ରଣାଳୟ ପ୍ରାୟ ୪୦ ପ୍ରକାରର ପେଟ୍ରୋକେମିକାଲ୍ କଞ୍ଚାମାଲ ଉପରୁ ଆମଦାନୀ ଶୁଳ୍କ ଉଚ୍ଛେଦ କରିଛି। ଯେଉଁଥିରେ ଆମୋନିୟମ୍ ନାଇଟ୍ରେଟ୍, ମିଥାନଲ୍, ଫେନୋଲ୍, ପିଭିସି ଏବଂ ପଲିପ୍ରପିଲିନ୍ ଭଳି ପ୍ରମୁଖ ରାସାୟନିକ ପଦାର୍ଥ ଅନ୍ତର୍ଭୁକ୍ତ।
Powered by Froala Editor
