ଜେଲରେ ଥିବା ଜଣେ ବିଚାରାଧୀନ କଏଦୀଙ୍କ ସନ୍ଦେହଜନକ ମୃତ୍ୟୁ ଘଟିଛି । କଏଦୀଙ୍କ ଝୁଲନ୍ତା ମୃତାଦେହ ଶୌଚାଳୟରୁ ମିଳିଛି । ମୃତ କଏଦୀ ହେଉଛନ୍ତି ସାକ୍ଷୀଗୋପାଳ ଡାହାଣ କୁମ୍ଭାରପଡାର ଦୀପ୍ତି ରଞ୍ଜନ ସ୍ୱାଇଁ ।  

ଜେଲ୍ କର୍ତ୍ତୃପକ୍ଷଙ୍କ ଠାରୁ ମିଳିଥିବା ସୂଚନା ଅନୁଯାୟୀ, ୨୦୨୩ ମସିହାରେ ଏକ ଦୁଷ୍କର୍ମ ଅଭିଯୋଗରେ ସେ ଗିରଫ ହୋଇଥିଲେ । ରବିବାର ଝୁଲନ୍ତା ଅବସ୍ଥାରେ ଶୌଚାଳୟରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲେ । ମୃତଦେହର ବ୍ୟବଚ୍ଛେଦ ନିମନ୍ତେ ମେଡିକାଲକୁ ପଠାଯାଇଛି ।  

ଦୀପ୍ତିରଞ୍ଜନଙ୍କ ମା\'ଙ୍କ ଅଭିଯୋଗ ଅନୁସାରେ, ଜେଲ୍ ମଧ୍ୟରେ ତାଙ୍କ ପୁଅକୁ ହତ୍ୟା କରାଯାଇଛି । ଦୀପ୍ତିରଞ୍ଜନଙ୍କ ଭାଇଙ୍କ କହିବାନୁସାରେ, ନିକଟରେ ତାଙ୍କର କୋର୍ଟରେ ହାଜର ହେବା ତାରିଖ ଥିଲା । ଏହି ତାରିଖରେ ସେ ମୁକୁଳିବା ନିଶ୍ଚିତ ଥିଲା । କିନ୍ତୁ ତାପୂର୍ବରୁ କେହି ସୁଚିନ୍ତିତ ଭାବେ ମାରିଦେଇଛି । ଏହାର ଉପଯୁକ୍ତ ତଦନ୍ତ ଦାବି କରିଛନ୍ତି ପରିବାର ଲୋକ ।

ସୂଚନାଯୋଗ୍ୟ, ୩ ମାର୍ଚ୍ଚ ୨୦୧୯ରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ଗିରଫ ହୋଇ ପୁରୀ ଜେଲରେ ଥିବା ଖୋର୍ଦ୍ଧା ଶରଧାପୁରର ସେ୍‌କ୍ ଅକବର ମହମ୍ମଦଙ୍କ ଝୁଲନ୍ତା ମୃତଦେହ ଶୌଚାଳୟରୁ ଉଦ୍ଧାର କରାଯାଇଥିଲା । ସେହିଭଳି ୨୦୨୫ରେ ଏକ ନାବାଳିକା ଦୁଷ୍କର୍ମ ମାମଲାରେ ଗିରଫ ହୋଇଥିବା ପିପିଲି ଅଞ୍ଚଳର ବୁଲୁ ବେହେରାଙ୍କ ଝୁଲନ୍ତ ମୃତଦେହ ଶୌଚାଳୟକୁ ଉଦ୍ଧାର ହୋଇଥିଲା । ଏମିତି ବାରମ୍ବାର ଘଟୁଥିବାରୁ ଏହା ସିବିଆଇ ତଦନ୍ତ ଦାବି ହୋଇଛି ।

Powered by Froala Editor