ବେଙ୍ଗାଲୁରୁ: ମଧ୍ୟପ୍ରାଚ୍ୟରେ ଯୁଦ୍ଧ ଯୋଗୁଁ ବେଙ୍ଗାଲୁରୁରେ ପେଇଂ ଗେଷ୍ଟଙ୍କ ଖାଦ୍ୟର ମେନ୍ୟୁ ବଦଳିଯାଇଛି। ପିଜି ଓନର୍ସ ୱେଲଫେୟାର ଆସୋସିଏସନ୍ ଗ୍ୟାସ୍ ବଞ୍ଚାଇବା ପାଇଁ ନୂଆ ଗାଇଡଲାଇନ୍ ଜାରି କରିଛି। ଆସୋସିଏସନ୍ ଅନୁସାରେ ସହରରେ ଲକ୍ଷ ଲକ୍ଷ ଲୋକଙ୍କୁ ଖାଦ୍ୟ ଦେଉଥିବା ପିଜି କିଚେନ ଗ୍ୟାସ୍ ସମସ୍ୟାକୁ ଅନୁଭବ କରିଛି। 

ଆସୋସିଏସନ୍ ମୁଖ୍ୟ ଅରୁଣ କୁମାର କହିଛନ୍ତି ଯେ କମର୍ସିଆଲ ସିଲିଣ୍ଡର ଅଭାବ ଯୋଗୁଁ ଭଡାରେ ରହୁଥିବା ଲୋକଙ୍କ ଉପରେ ମଧ୍ୟ ପ୍ରଭାବ ପଡିଛି। କିଛି ଦିନ ପାଇଁ ଖାଦ୍ୟର ମେନ୍ୟୁରେ ପରିବର୍ତ୍ତନ ପାଇଁ ନିଷ୍ପତ୍ତି ନିଆଯାଇଥିବା ସେ ଜଣାଇଛନ୍ତି। ସୋମବାରରୁ ଶୁକ୍ରବାର ପର୍ଯ୍ୟନ୍ତ ପିଜିଙ୍କୁ ଦିନରେ କେବଳ ୨ ଥର ଖାଦ୍ୟ ଦେବାପାଇଁ ନିଷ୍ପତ୍ତି ନିଆଯାଇଛି। ଶନିବାର ଓ ରବିବାର ଦିନରେ ୩ ଥର ଖାଦ୍ୟ ଦିଆଯାଇପାରେ। ଗାଇଡଲାଇନ୍ ଅନୁସାରେ ଅଧିକ ଗ୍ୟାସ୍ ବ୍ୟବହାର ହେଉଥିବା ଖାଦ୍ୟ ଯଥା ଡୋସା, ପୁରୀ, ଚପାତି ନ ଖାଇବାକୁ କୁହାଯାଇଛି। ଏହା ବଦଳରେ ବିସିବେଲେବାଥ୍, ଚିତ୍ରନ୍ନା, ପୁଲିୟୋଗରେ ପ୍ରସ୍ତୁତ କରିବାକୁ କୁହାଯାଉଛି। ଅନ୍ୟ ବିକଳ୍ପ ରୂପେ ସାଲାଡ୍ ଆଦି ଖାଦ୍ୟ ଉପରେ ଗୁରୁତ୍ବ ଦିଆଯାଉଛି। ଘର ମାଲିକଙ୍କୁ ଇଣ୍ଡକ୍ସନ ଷ୍ଟୋଭ୍, ଇଲେକ୍ଟ୍ରିକ୍ ରାଇସ୍ କୁକର ଓ ଅନ୍ୟ ବିଜୁଳି ଚୁଲା ବ୍ୟବହାର କରିବାକୁ କୁହାଯାଉଛି।

Powered by Froala Editor