ରାଜ୍ୟସଭାରେ ଆମଆଦମୀ ପାର୍ଟିର ସାଂସଦ ରାଘବ ଚଡ୍ଡା ଟେଲିକମ୍ କମ୍ପାନୀର ପ୍ରିପେଡ୍ ପ୍ଳାନକୁ ନେଇ ବଡ଼ ଧରଣର ପ୍ରଶ୍ନ ଉଠାଇଛନ୍ତି। ତାଙ୍କର କହିବା ଅନୁସାରେ, ୟୁଜର୍ସଙ୍କୁ ବର୍ଷକୁ ୧୩ ଥର ରିଚାର୍ଜ କରିବାକୁ ପଡୁଛି। ବର୍ଷର ମାସରେ କାହିଁକି ୧୩ ଥର କରିବାକୁ ପଡୁଛି ରିଚାର୍ଜ ? ସେ କହିଛନ୍ତି ଯେ, ଟ୍ରାଇ ତଥ୍ୟ ଦର୍ଶାଉଛି ଦେଶରେ ୧୨୫ କୋଟି ମୋବାଇଲ୍ ବ୍ୟବହାରକାରୀ ଅଛନ୍ତି। ସେଥିମଧ୍ୟରୁ ୯୦% ପ୍ରିପେଡ୍ ମୋବାଇଲ୍ ବ୍ୟବହାରକାରୀ। ମୁଁ ପ୍ରିପେଡ୍ ମୋବାଇଲ୍ ବ୍ୟବହାରକାରୀଙ୍କ ପକ୍ଷରୁ ଦୁଇଟି ପ୍ରମୁଖ ପ୍ରସଙ୍ଗ ଉଠାଇବାକୁ ଚାହୁଁଛି। ପ୍ରଥମ ସମସ୍ୟା ହେଉଛି ରିଚାର୍ଜ ସରିବା ପରେ ଇନକମିଂ ଏବଂ ଆଉଟଗୋଇଂ କଲ୍ ବନ୍ଦ ହୋଇଯାଉଛି।

ଯେତେବେଳେ ଏକ ପ୍ରିପେଡ୍ ପ୍ଲାନର ଅବଧି ଶେଷ ହୁଏ କିମ୍ବା ରିଚାର୍ଜର ବୈଧତା ଶେଷ ହୁଏ, ସେତେବେଳେ ଇନ କମିଂ ମଧ୍ୟ ବନ୍ଦ ହୋଇଯାଏ। ଫୋନ୍ ମୋର, ସିମ୍ କାର୍ଡ ମୋର ଏବଂ ନମ୍ବର ମୋର । ଏହା ବୁଝି ହେଉଛି ଯେ, ରିଚାର୍ଜର ଅବଧି ଶେଷ ହେବା ପରେ ଆଉଟଗୋଇଂ କଟି ଯାଉଛି। କିନ୍ତୁ ଇନକମିଂ କଲ୍ ବନ୍ଦ ହେବା ସମ୍ପୂର୍ଣ୍ଣ ମନମୁଖୀ କାର୍ଯ୍ୟ। ଇନକମିଂ ବନ୍ଦ କରିବା ଆମର ‘ରାଇଟ ଟୁ କମ୍ୟୁନିକେସନ୍’ କୁ ବନ୍ଦ କରିବା ।

ନିର୍ବାଚନରେ ଭୋଟ ଦେବାକୁ ଭୁଲିଯିବା ଯୋଗୁଁ ଆପଣଙ୍କର ଭୋଟର ଆଇଡି ସସପେଣ୍ଡ ହୁଏ ନାହିଁ। ସେହିପରି, ରିଚାର୍ଜ କରିନପାରିଲେ ମୋବାଇଲ୍ ନମ୍ବରକୁ ସସପେଣ୍ଡ କିମ୍ବା ନିଷ୍କ୍ରିୟ କରାଯିବା ଉଚିତ୍ ନୁହେଁ। ରାଘବ ସଂସଦରେ କେବଳ ଫ୍ରି ଆଉଟ ଗୋଇଙ୍ଗ  ନୁହେଁ,ଫ୍ରି ଡାଟା ବି ଦାବି ରଖିଛନ୍ତି। କିନ୍ତୁ ସେ କହିଛନ୍ତି ଇନକମିଂ କଲ୍ ଫାସିଲିଟିର ଗ୍ୟାରେଣ୍ଟି ରହିବା ଦରକାର।

Powered by Froala Editor