ଖୁବ୍ ଶୀଘ୍ର ଆରମ୍ଭ ହେବ ଇ-ବାଇକ୍ ଦିଦି ଯୋଜନା, ରହିଛି ଏହିସବୁ ସୁବିଧା
ନୂଆଦିଲ୍ଲୀ: ଦିଲ୍ଲୀରେ ମହିଳା ମାନଙ୍କ ସୁରକ୍ଷା, ନିଯୁକ୍ତି ଏବଂ ପରିବେଶକୁ ଧ୍ୟାନରେ ରଖି, ସରକାର ଖୁବ୍ ଶୀଘ୍ର ଇ-ବାଇକ୍ ଦିଦି ଯୋଜନା ଆରମ୍ଭ କରିପାରନ୍ତି। ଦିଲ୍ଲୀର ଯୁବତୀମାନଙ୍କୁ ନିଯୁକ୍ତି ଏବଂ ଆତ୍ମନିର୍ଭରଶୀଳତା ପ୍ରଦାନ କରିବା ଇ-ବାଇକ୍ ଦିଦି ଯୋଜନାର ମୁଖ୍ୟ ଲକ୍ଷ୍ୟ। ବର୍ତ୍ତମାନ, ଏହି ଯୋଜନା ପ୍ରସ୍ତାବ ପର୍ଯ୍ୟାୟରେ ଅଛି।
ସରକାର ମହିଳାମାନଙ୍କୁ ନିରାପଦ ଏବଂ ନିର୍ଭରଯୋଗ୍ୟ ଯାତ୍ରା ବିକଳ୍ପ ମଧ୍ୟ ପ୍ରଦାନ କରିବାକୁ ଚାହୁଁଛନ୍ତି। ଏହି ଯୋଜନା ପ୍ରଦୂଷଣ ହ୍ରାସ କରିବା ଦିଗରେ ଏକ ପଦକ୍ଷେପ ଭାବରେ ମଧ୍ୟ କାର୍ଯ୍ୟ କରିବ। କାରଣ ଏଥିରେ ବୈଦ୍ୟୁତିକ ଦୁଇଚକିଆ ଯାନ ବ୍ୟବହାର କରାଯିବ। ପ୍ରାରମ୍ଭିକ ଭାବରେ ଏହାକୁ ଏକ ପାଇଲଟ୍ ପ୍ରୋଜେକ୍ଟ ଭାବରେ କାର୍ଯ୍ୟକାରୀ କରାଯିବ । ଏବଂ ଏହା ସଫଳ ହେଲେ, ପର୍ଯ୍ୟାୟ କ୍ରମେ ସାରା ସହରରେ ଏହାକୁ ବିସ୍ତାର କରାଯିବ।
ଏହି ଯୋଜନାର ମଡେଲ ଓଲା ଏବଂ ରାପିଡୋ ଭଳି ପ୍ରମୁଖ ରାଇଡ୍-ହେଲିଂ ଆପ୍ସ ପରି ହୋଇପାରେ। ଏହାକୁ ଅନଲାଇନ୍ ରେ ବୁକ୍ କରାଯିବ। ଏବଂ ଡିଜିଟାଲ୍ ପେମେଣ୍ଟ ମଧ୍ୟ ଉପଲବ୍ଧ ରହିବ। ମହିଳାମାନେ ଇଲେକ୍ଟ୍ରିକ୍ ବାଇକ୍ ଚଲାଇ ଟଙ୍କା ରୋଜଗାର କରିପାରିବେ।
Powered by Froala Editor
