ଡାକବଙ୍ଗଳା ପରିସରରେ ପ୍ରହରା ମାରୁଛି ବିରାଟକାୟ ଭାଲୁ
ନୀଳଗିରି: ଏକ ବିରାଟକାୟ ଭାଲୁ ନୀଳଗିରି ଡାକବଙ୍ଗଳା ପରିସରରେ ପ୍ରହରା ମାରୁଥିବା ଭିଡ଼ିଓ ସମ୍ପ୍ରତି ଭାଇରାଲ ହେବାରେ ଲାଗିଛି। ନୀଳଗିରିର ସ୍ବର୍ଣ୍ଣଚୂଡ଼ ପାହାଡ଼ ପାଦଦେଶରେ ତଥା ରାଡ଼ାର ରାସ୍ତା ନିକଟରେ ନିର୍ମିତ ଏହି ଡାକବଙ୍ଗଳାରେ ବହୁ ନେତା , ମନ୍ତ୍ରୀ ରାତ୍ରରହଣି କରିଥାନ୍ତି। ସମ୍ପ୍ରତି ସ୍ଥାନୀୟ ଉପଜିଲାପାଳଙ୍କ ଅଧୀନରେ ଏହି ଡାକବଙ୍ଗଳା ରହିଥିବା ବେଳେ ଏଠାରେ ଅସ୍ଥାୟୀଭାବେ ଜଣେ ଜଗୁଆଳଙ୍କୁ ମଧ୍ୟ ନିଯୁକ୍ତ କରାଯାଇଛି। କିଛିଦିନ ହେବ ବରକୋଳି ଖାଇବା ଲୋଭରେ ଏକ ବିଶାଳ ଭାଲୁ ସ୍ବର୍ଣ୍ଣଚୂଡ଼ ପାହାଡ଼ରୁ ଓହ୍ଲାଇ ରାତିରେ ଡାକବଙ୍ଗଳା ପ୍ରାଙ୍ଗଣରେ ପ୍ରହରା ମାରୁଥିବା ଦେଖିବାକୁ ମିଳିଛି।
ସ୍ଥାନୀୟ ଅଞ୍ଚଳର କିଛି ଯୁବକ ଦୂରରେ ରହି ଏହି ଦୃଶ୍ୟ ମୋବାଇଲରେ କଏଦ କରିବା ପରେ ତାହା ସମ୍ପ୍ରତି ଭାଇରାଲ ହେବାରେ ଲାଗିଛି।
Powered by Froala Editor
