ଫରେଷ୍ଟରଙ୍କ ଘରେ ଭିଜିଲାନ୍ସ ଚଢାଉ
ଭବାନୀପାଟଣା: ଭବାନୀପାଟଣା ରେଞ୍ଜ ଭଟାଙ୍ଗପଦର ସେକ୍ସନ ଦାୟିତ୍ୱରେ ଥିବା ଫରେଷ୍ଟର ଭାଗବତ ଭୂଷଣ ବେହେରାଙ୍କ ଘରେ ଭିଜିଲାନ୍ସ ଚଢାଉ କରିଛି । ସାକଳ ୬ଟାରୁ ଏକକାନୀଳ ୩ଟି ସ୍ଥାନରେ ଚଢାଉ ହୋଇଛି । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ କଳାହାଣ୍ଡି ଭିଜିଲାନ୍ସ କୋର୍ଟ ଦ୍ୱାରା ସର୍ଚ୍ଚ ୱାରେଣ୍ଟ ବଳରେ ଓଡ଼ିଶା ଭିଜିଲାନ୍ସ ଦ୍ୱାରା ୪ଜଣ ଡିଏସପି, ୭ଜଣ ଇନ୍ସପେକ୍ଟର, ୪ଜଣ ଏଏସଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ୩ଟି ସ୍ଥାନରେ ଚଢାଉ କରାଯାଇଛି ।
ଭବାନୀପାଟଣା ଘରୁ ବହୁ ପରିମାଣର ସୁନା ଗହଣା, ଜମି କାଗଜାତ ଠାବ ହେଇଛି। ଜଣେ ଫରେଷ୍ଟରଙ୍କ ଆଲିଶାନ ଘର ଏବଂ ଦାମୀ ଆସବାବ ପତ୍ର ଦେଖି ଭିଜିଲାନ୍ସ ଟିମ୍ ତାଜୁବ ହୋଇଯାଇଛନ୍ତି। କଳାହାଣ୍ଡି ଭିଜିଲାନ୍ସ ଡିଏସପି ପ୍ରଦୀପ ଆଇଣ୍ଡ, ଜୟପୁର ଭିଜିଲାନ୍ସ ଡିଏସପି ସଦାନନ୍ଦ ପାଣି, ନବରଙ୍ଗପୁର ଭିଜିଲାନ୍ସ ଡିଏସପି ଜୟଶ୍ରୀ ପ୍ରଧାନଙ୍କ ନେତୃତ୍ୱରେ ୩ଟି ଟିମ୍ ଏକକାଳୀନ ଚଢାଉ ଜାରି ରଖିଛନ୍ତି।
Powered by Froala Editor
