୩ ଦିବ୍ୟାଙ୍ଗ ଛାତ୍ରଛାତ୍ରୀ ଦେଲେ ମାଟ୍ରିକ ପରୀକ୍ଷା
ବଲାଙ୍ଗୀର: ଆଜିଠାରୁ ଦଶମ ଶ୍ରେଣୀ ବାର୍ଷିକ ପରୀକ୍ଷା ଆରମ୍ଭ ହୋଇଛି । ଚଳିତ ବର୍ଷ ବଲାଙ୍ଗିର ଜିଲ୍ଲାର ୩୭୧ଟି ଉଚ୍ଚ ବିଦ୍ୟାଳୟର ୨୪ ହଜାର ୯୧ଜଣ ଛାତ୍ର ଛାତ୍ରୀ ୧୬୮ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେଉଛନ୍ତି । ପରୀକ୍ଷାର୍ଥୀଙ୍କ ମଧ୍ୟରୁ ବଲାଙ୍ଗିର ପୃଥ୍ୱୀରାଜ ହାଇସ୍କୁଲ କେନ୍ଦ୍ରରେ ଜଣେ ଦିବ୍ୟାଙ୍ଗ ଛାତ୍ରୀ ପରୀକ୍ଷା ଦେଉଛନ୍ତି । ବଲାଙ୍ଗିର ନବଜୀବନ ବିଦ୍ୟାପୀଠ ସ୍କୁଲର ସମ୍ପୃକ୍ତ ଛାତ୍ରୀଙ୍କୁ ତାଙ୍କ ମା’ ନନ୍ଦିନୀ ନନ୍ଦ ଅଟୋରେ ପରୀକ୍ଷା କେନ୍ଦ୍ର ପର୍ଯ୍ୟନ୍ତ ଆଣିଥିଲେ ।
ସେହିପରି ବଲାଙ୍ଗିର ପୃଥ୍ୱୀରାଜ ହାଇସ୍କୁଲ ଛାତ୍ର ସୁକୁନ କରନ ଗତ ୧୬ ତାରିଖ ଦୁର୍ଘଟଣାଗ୍ରସ୍ତ ହୋଇଥିଲେ । ଦୁର୍ଘଟଣାରେ ତାଙ୍କ ଡାହାଣ ହାତ ଭାଙ୍ଗି ଯାଇଥିଲା, ଗତକାଲି ଭୀମ ଭୋଇ ଚିକିତ୍ସାଳୟରେ ଭଙ୍ଗାହାତରେ ଅସ୍ତ୍ରୋପଚାର କରାଇଛନ୍ତି । ବିଦ୍ୟାଳୟ ପକ୍ଷରୁ ତାଙ୍କୁ ସହଯୋଗ କରିବାକୁ ଜଣେ ନବମ ଶ୍ରେଣୀ ଛାତ୍ରଙ୍କୁ ନିୟୋଜିତ କରାଯାଇଛି । ଏହା ସହ ରାମ ଗୋପାଳ ହିନ୍ଦୀ ହାଇସ୍କୁଲର ମାନସିକ ଅନଗ୍ରସର ଛାତ୍ର ମଧ୍ୟ ବଲାଙ୍ଗିର ଟାଉନ ବାଳିକା ଉଚ୍ଚ ବିଦ୍ୟାଳୟ ପରୀକ୍ଷା କେନ୍ଦ୍ରରେ ପରୀକ୍ଷା ଦେଉଥିବା ଦେଖିବାକୁ ମିଳିଛି ।
Powered by Froala Editor
