ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ଡାଉନ୍
ଡାଉନଡିଟେକ୍ଟର ଅନୁଯାୟୀ ଫେବୃଆରୀ ୧୬ ତାରିଖରେ ସୋସିଆଲ ମିଡିଆ ପ୍ଲାଟଫର୍ମ Xରେ ବ୍ୟାପକ ସମସ୍ୟା ସୃଷ୍ଟି ହୋଇଛି। ଭାରତଠାରୁ ଆରମ୍ଭ କରି ଆମେରିକା ପର୍ଯ୍ୟନ୍ତ ବିଶ୍ବର ବିଭିନ୍ନ ଦେଶରେ ଏହାର ଆପ୍ ଓ ୱେବସାଇଟ୍କୁ ବ୍ୟବହାର କରିବା ସମ୍ଭବ ହୋଇନଥିଲା। ରିଫ୍ରେସ୍ କଲେ ମଧ୍ୟ ଫିଡ୍ ଲୋଡ୍ ହେଉନଥିଲା। ଲୋକମାନେ କୌଣସି ପୋଷ୍ଟ୍ କରିପାରୁନଥିଲେ। ବିଶ୍ବର ଏକ ନମ୍ବର ଧନୀ ଏଲନ୍ ମସ୍କଙ୍କ ଦ୍ବାରା ପରିଚାଳିତ ଏହି କମ୍ପାନିରେ ଦେଖାଦେଇଥିବା ବିଭ୍ରାଟ ସମ୍ପର୍କରେ ଲୋକମାନେ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମ ଜରିଆରେ ସୂଚନା ଦେଇଥିଲେ।
ସବୁଠୁ ଅଧିକ ପ୍ରଭାବିତ କ୍ଷେତ୍ର ଆମେରିକା ଓ ଭାରତର ଅନେକ ଅଞ୍ଚଳ ହୋଇଛି, ଯେଉଁଠି ବହୁ ସଂଖ୍ୟାରେ ୟୁଜର ପ୍ଲାଟଫର୍ମକୁ ବ୍ୟବହାର କରିବାରେ ସମସ୍ୟାର ସମ୍ମୁଖୀନ ହୋଇଥିବା ସୂଚନା ଦେଇଛନ୍ତି , ଏହି ପ୍ଲାଟଫର୍ମର ଲଗ୍ ଇନ କରିବା , ଟ୍ୱିଟ୍ ପୋଷ୍ଟ କରିବା ଏବଂ ଟାଇମ୍ଲାଇନ୍କୁ ରିଫ୍ରେଶ୍ କରିବାରେ ସମସ୍ୟା ନେଇ ଅଭିଯୋଗ କରିଛନ୍ତି ଏବଂ ଆଉଟେଜ୍ –ଟ୍ରାକିଂ ପ୍ଲାଟଫର୍ମ ଉପରେ ଅଭିଯୋଗ ବଢିବାରେ ଲାଗିଛି।
ଡାଉନଡିଟେକ୍ଟର ଅନୁସାରେ , (ଯିଏ ଅନେକ ଅଲଗା ଅଲଗା ସୂତ୍ରରୁ ସ୍ଥିତି ରିପୋର୍ଟ ଏକତ୍ର କରି ଆଉଟେଜ୍କୁ ଟ୍ରାକ୍ କରିଥାଏ ) ଆମେରିକାରେ ସକାଳ ୮ଟା ୨୪ ଇଟି(୧୩୨୪ ଜିଏମଟି) ଯାଏ ଏକ୍ସ ସହ ସମସ୍ୟାର ୨୩,୨୧୦ ରୁ ଅଧିକ ରିପୋର୍ଟ ହୋଇଥିଲା।
‘ଏକ୍ସ’ରେ ବିଭ୍ରାଟ କିଛି ନୂଆ କଥା ନୁହେଁ। ଗତମାସରେ ଏଥିରେ ଏକାଧିକ ଥର ବିଭ୍ରାଟ ଘଟିଥିଲା। ଗତ ଜାନୁଆରି ୧୩ ଓ ୧୬ ତାରିଖରେ ବଡ଼ ଧରଣର ବିଭ୍ରାଟ ହୋଇଥିଲା।
Powered by Froala Editor
