ଦୀପ ଜାଳି ବାହାରକୁ ବାହାରୁଥିଲେ, ଚାଲିଗଲା ଜୀବନ
ନାକଟିଦେଉଳ: ଶିବରାତ୍ରି ଅବସରରେ ମହାଦେବଙ୍କ ନିକଟରେ ଦୀପ ଜାଳି ବାହାରକୁ ବାହାରୁଥିବା ଜଣେ ଶ୍ରଦ୍ଧାଳୁଙ୍କ ଜୀବନ ଦୀପ ଲିଭିଯାଇଛି। ଏଭଳି ଏକ ଘଟଣା ସମ୍ବଲପୁର ଜିଲା ନାକଟିଦେଉଳ ଅଞ୍ଚଳରେ ଘଟିଛି। ନାକଟିଦେଉଳ ବ୍ଲକ ବାଟଗାଁ ପଞ୍ଚାୟତର କୁଞ୍ଜାମୁରା ଗ୍ରାମ ସ୍ଥିତ ବହୁ ପୁରାତନ ତଥା ପ୍ରସିଦ୍ଧ ବାବା ବିନ୍ଧେଶ୍ବର ଶିବ ମନ୍ଦିରରେ ରବିବାର ସକାଳୁ ସହସ୍ରାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ସମ୍ବଲପୁର ସହର ହୀରାକୁଦ କଲୋନୀର ଅନିଲ ମିଶ୍ର (୬୦) ସପରିବାର ଆସି ବାବା ବିନ୍ଧେଶ୍ବରଙ୍କ ଦର୍ଶନ କରିଥିଲେ।
ମନ୍ଦିରରେ ପୂଜାର୍ଚ୍ଚନା ପରେ ମଧ୍ୟାହ୍ନ ସାଢେ ୧୧ଟାରେ ପରିବାର ସହ ବାହାରକୁ ଆସିବା ପରେ ଅନିଲ ହଠାତ୍ ବାନ୍ତି କରି ଅସୁସ୍ଥ ହୋଇପଡ଼ିଥିଲେ। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଆମ୍ବୁଲାନ୍ସରେ ନାକଟିଦେଉଳ ଡାକ୍ତରଖାନା ନିଆଯାଇଥିଲା। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
Powered by Froala Editor
