ଏହି କ୍ଷେତ୍ରରେ ଉଲ୍ଲେଖନୀୟ ବୃଦ୍ଧି ରେକର୍ଡ କଲା ଓଡ଼ିଶା
ଭୁବନେଶ୍ୱର: ଡିସେମ୍ବର ୨୦୨୫ ତୁଳନାରେ ଜାନୁଆରୀ ୨୦୨୬ରେ ଓଡ଼ିଶା ଅଗ୍ନିଶମ ଏବଂ ଜରୁରୀକାଳୀନ ସେବାରେ ଏକ ଉଲ୍ଲେଖନୀୟ ବୃଦ୍ଧି ରେକର୍ଡ କରାଯାଇଛି। ଡିସେମ୍ବର ୨୦୨୫ରେ, ମୋଟ ୩,୬୫୬ କଲ୍ ରେକର୍ଡ଼ କରାଯାଇଛି, ଯେଉଁଥିରେ ୧,୭୮୮ଟି ଅଗ୍ନି ସମ୍ଭନ୍ଧୀୟ କଲ୍ ଏବଂ ୧,୮୬୮ଟି ସ୍ୱତନ୍ତ୍ର ସେବା କଲ୍ ଅନ୍ତର୍ଭୁକ୍ତ ରହିଛି । ଜାନୁଆରୀ ୨୦୨୬ରେ, ମୋଟ କଲ୍ ସଂଖ୍ୟା ୫,୨୨୨ ରେ ପହଞ୍ଚିଥିବା ବେଳେ, ଏଥିରେ ୩,୨୫୬ଟି ଅଗ୍ନି ସମ୍ଭନ୍ଧୀୟ କଲ୍ ଏବଂ ୧,୯୬୬ଟି ସ୍ୱତନ୍ତ୍ର ସେବା କଲ୍ ଅନ୍ତର୍ଭୁକ୍ତ ରହିଥିଲା।
ତଥ୍ୟ ହିସାବରେ ଜାନୁଆରୀ ମାସରେ ଅଗ୍ନି ସମ୍ପର୍କିତ ଘଟଣା ବୃଦ୍ଧି ଘଟିଛି, ଯେତେବେଳେ ସ୍ୱତନ୍ତ୍ର ସେବା କଲ୍ ମଧ୍ୟ ସାମାନ୍ୟ ବୃଦ୍ଧି ପାଇଛି। ଏହି ତୁଳନା ସୂଚାଉଛି ଯେ ପଶୁ ଉଦ୍ଧାର ଡିସେମ୍ବରରେ ୧,୨୭୯ ରୁ ଜାନୁଆରୀରେ ୧,୩୭୦କୁ ବୃଦ୍ଧି ପାଇଥିବା ବେଳେ ମୋଟ ୧୩୫୮ ପଶୁ ଉଦ୍ଧାର କରାଯାଇଛି । ସଡ଼କ ଦୁର୍ଘଟଣାରେ ପ୍ରତିକ୍ରିୟା ସଂଖ୍ୟା ୪୧୦ ରୁ ୪୩୧କୁ ବୃଦ୍ଧି ପାଇଛି କିନ୍ତୁ ଏଥିରେ ୪୫୭ଜଣଙ୍କ ଜୀବନ ରକ୍ଷା କରାଯାଇଛି । ପାଣିରେ ବୁଡ଼ିଯିବା ମାମଲା ୮୦ ରୁ ୭୪ କୁ ସାମାନ୍ୟ ହ୍ରାସ ପାଇଛି, ଏବଂ ଗଛ କାଟିବା ଓ ରାସ୍ତା ସଫା କରିବା କାର୍ଯ୍ୟ ୬୩ ରୁ ୫୧କୁ ହ୍ରାସ ପାଇଛି ।
Powered by Froala Editor
