ଲୋକେ କିପରି ଆନ୍ଦୋଳନ ରାସ୍ତାକୁ ଆସିବେ ଇସି ଉସୁକାଉଛନ୍ତି: ରାହୁଲ
ନୂଆଦିଲ୍ଲୀ: ମହାରାଷ୍ଟ୍ରର ପୌର ନିଗମ ନିର୍ବାଚନ ଫଳକୁ ନେଇ କଂଗ୍ରେସ ସାଂସଦ ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ନିର୍ବାଚନ ଫଳ ବିଜେପି ନେତୃତ୍ବାଧୀନ ମହାୟୁତି ମେଣ୍ଟକୁ ଯାଇଥିବାବେଳେ ଏହା ପଛରେ ନର୍ବାଚନ ଆୟୋଗ (ଇସି)ଙ୍କ ହେରଫେରକୁ ରାହୁଲ ଦାୟୀ କରିଛନ୍ତି। ସେ କହିଛନ୍ତି ଯେ ନିର୍ବାଚନ ପରିଚାଳନା ପ୍ରକ୍ରିୟାରେ ଇସି ହେରଫେର ଚଳାଇଛନ୍ତି। ଏହାଦ୍ବାରା ନିର୍ବାଚନ ଆୟୋଗ ଭଳି ସାମ୍ବିଧାନିକ ଅନୁଷ୍ଠାନ ଉପରୁ ଲୋକଙ୍କ ବିଶ୍ବାସ ତୁଟିଯାଉଛି। ଲୋକେ କିପରି ଆନ୍ଦୋଳନର ରାସ୍ତାକୁ ଆସିବେ ସେଥିଲାଗି ଇସି ଉସୁକାଉଛନ୍ତି। କାରଣ ମହାରାଷ୍ଟ୍ର ପୌର ନିର୍ବାଚନ ମତଦାନ ପରେ ଭୋଟରଙ୍କ ଅଙ୍ଗୁଳିରେ ଯେଉଁ ସ୍ବତନ୍ତ୍ର କାଳି ଲଗାଯାଇଥିଲା ସେଥିରେ ଜାଲିଆତି କରାଯାଇଛି। ଭୋଟରଙ୍କ ଅଙ୍ଗୁଳିରେ ଅଲିଭା କାଳି ବଦଳରେ ଲିଭିଯାଉଥିବା କାଳିକୁ ବ୍ୟବହାର କରାଯାଇଥିଲା। ଏହାଦ୍ବାରା ଜଣେ ଭୋଟର ଏକାଧିକ ଥର ମତଦାନ କରିବାର ସୁଯୋଗ ପାଇଛନ୍ତି।
Powered by Froala Editor
