ମାଆଙ୍କ ମୃତ୍ୟୁ ପରେ ପୁଅର ହୃଦଘାତରେ ମୃତ୍ୟୁ
ମାଆର ମୃତ୍ୟୁ ସହି ପାରିଲାନି ପୁଅ। ମାଆଙ୍କ ମୃତ୍ୟୁର ୩ ଘଣ୍ଟା ପରେ ପୁଅର ହୃଦଘାତରେ ଚାଲିଗଲା ଜୀବନ। ଏମିତି ଦୁଃଖଦ ଘଟଣା ଦେଖିବାକୁ ମିଳିଛି ଜୟପୁରର ପରିଛା ସାହିରେ। ମୃତ ମାଆଙ୍କ ନାମ ଏସ ସାଇବାଣୀ ହୋଇଥିବା ବେଳେ ପୁଅ ୫୦ ବର୍ଷୀୟ ଏସ ରବି। ଦୁହିଁଙ୍କୁ ଗୋଟିଏ ସ୍ଥାନରେ ସମାଧି ଦିଆଯାଇଛି। ତେବେ ଏହି ଘଟଣାକୁ ନେଇସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ସୂଚନା ଅନୁସାରେ, ଏସ ସାଇବାଣୀ ପକ୍ଷପାତ ରୋଗରେ ଦୀର୍ଘଦିନ ହେଲା ଶର୍ଯ୍ୟାସାୟୀ ହୋଇ ରହିଥିଲେ। ମା‘ଙ୍କୁ ଘଣ୍ଟାଏ ନଦେଖିଲେ ପୁଅ ପାଗଳ ହୋଇଯାଉଥିଲା। ନିଜଠାରୁ ଅଧିକ ସେ ମା’କୁ ଭଲ ପାଉଥିଲା। ମା’ର ସମସ୍ତ ଆବଶ୍ୟକତା ପୂରଣ କରୁଥିଲା। ପ୍ରତିଦିନ ପରି ଆଜି ମଧ୍ୟ ମା’ର ସମସ୍ତ କାର୍ଯ୍ୟ ସାରି ପୁଅ ବାହାରକୁ ଯାଇଥିଲା। ବାହାରୁ ଫେରି ମା’କୁ ଦେଖିବା ବେଳକୁ ସେ ଆଉ ଜଗତରେ ନାହିଁ। ଆଜି ଭୋର ସମୟରେ ତାଙ୍କର ମୃତ୍ୟୁ ହୋଇଥିଲା। ବନ୍ଧୁବାନ୍ଧବ ତାଙ୍କର ବାସ ଭବନରେ ପହଞ୍ଚିଥିଲେ। ପୁଅ ଦୁଃଖରେ ମାଆର ମୃତଦେହ ପାଖରେ ବସିଥିବା ବେଳେ ସେଠାରେ ବସି ବସି ଟଳି ପଡ଼ିଥିଲେ ପୁଅ ।
ସ୍ଥାନୀୟ ସାଙ୍ଗସାଥୀ ଓ ସୁନାରୀ ସମାଜର କର୍ମକର୍ତ୍ତାମାନେ ଘଟଣାସ୍ଥଳରେ ପହଁଚି ଗୋଟିଏ ଥରେ ଗୋଟିଏ ଘରୁ ଦୁଇଟି କୋକେଇରେ ମା’ ଓ ପୁଅର ଶବ ବାହାର କରିଥିଲେ।
Powered by Froala Editor
