କର୍ଣ୍ଣାଟକରେ ବେଆଇନ ଖଣି ବ୍ଲାଷ୍ଟିଂ ପାଇଁ ୪ କଲରାପତରିଆ ବାଘଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ବେଙ୍ଗାଲୁରୁର ଚିକ୍କନହଲିରେ ଏହି ଘଟଣା ରାଜ୍ୟରେ ବନ୍ୟପ୍ରାଣୀ ସଂରକ୍ଷଣ ଏବଂ ପ୍ରଶାସନିକ ଦାୟିତ୍ୱ ଉପରେ ପ୍ରଶ୍ନବାଚୀ ସୃଷ୍ଟି କରିଛି। ମୃତ ବାଘଙ୍କ ମଧ୍ୟରେ ଗୋଟିଏ ଗର୍ଭବତୀ ଥିବା ସୂଚନା ମିଳିଛି। 

ବନ ବିଭାଗ ଅଧିକାରୀଙ୍କ ଅନୁଯାୟୀ, କଲରାପତରିଆ ମୃତଦେହ କ୍ଷତବିକ୍ଷତ ଅବସ୍ଥାରେ ମିଳିଛି। ଏହି ଘଟଣାକୁ ନେଇ ଯଶବନ୍ତପୁରର ବିଜେପି ବିଧାୟକ ଏସ.ଟି. ସୋମଶେଖର ପ୍ରବଳ କ୍ରୋଧ ପ୍ରକାଶ କରି ବନ ବିଭାଗ ଉପରେ ଘୋର ଅବହେଳାର ଅଭିଯୋଗ ଆଣିଛନ୍ତି। ସେ କହିଛନ୍ତି ଯେ, ରାଜ୍ୟରେ ବାରମ୍ବାର ବନ୍ୟପ୍ରାଣୀଙ୍କ ମୃତ୍ୟୁ ସତ୍ତ୍ୱେ ବିଭାଗ କୌଣସି ଠୋସ୍ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ବିଫଳ ହୋଇଛି। 

ଏହି ଘଟଣା ସମ୍ପର୍କରେ ବନ ବିଭାଗକୁ ଏକ ଆନୁଷ୍ଠାନିକ ଚିଠି ପଠାଯାଇଛି, ଯେଉଁଥିରେ ବେଆଇନ ବ୍ଲାଷ୍ଟିଂକୁ ତୁରନ୍ତ ବନ୍ଦ କରିବା, ଦୋଷୀମାନଙ୍କୁ ଚିହ୍ନଟ କରିବା ଏବଂ ଚିତାବାଘ ମୃତ୍ୟୁ ପାଇଁ ଦାୟିତ୍ୱ ସ୍ଥିର କରିବାକୁ ଦାବି କରାଯାଇଛି।"

ସେ ଆହୁରି ବି କହିଛନ୍ତି ଯେ, ଏହି ଅଞ୍ଚଳରେ ଦୀର୍ଘ ଦିନ ଧରି ବେଆଇନ ବ୍ଲାଷ୍ଟିଂ ଚାଲିଛି । ଏହି ବିଷୟରେ ଜଙ୍ଗଲ ମନ୍ତ୍ରୀଙ୍କ ସହ ଯୋଗାଯୋଗ କରିବାକୁ ଅନେକ ଚେଷ୍ଟା କରିଥିଲେ, କିନ୍ତୁ ତାଙ୍କ ଫୋନର କୌଣସି ଉତ୍ତର ମିଳିନଥିଲା ବୋଲି ସେ କହିଛନ୍ତି।

Powered by Froala Editor