କେନ୍ଦ୍ର ସରକାର ସୋସିଆଲ ମିଡିଆ କମ୍ପାନୀଗୁଡ଼ିକୁ କଡ଼ା ଚେତାବନୀ ଦେଇଛନ୍ତି। ଧାରା ୭୯ ଅନୁଯାୟୀ କମ୍ପାନୀଗୁଡ଼ିକ ପାଳନ କରିବାକୁ ବାଧ୍ୟ ହେବେ। ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ କହିଛି ଯେ, ସୋସିଆଲ ମିଡିଆ କମ୍ପାନୀଗୁଡ଼ିକ ସୂଚନା ପ୍ରଯୁକ୍ତିବିଦ୍ୟା ଆଇନର ଧାରା ୭୯ ଅନୁଯାୟୀ ନିର୍ଦ୍ଦେଶ ପାଳନ କରିବାକୁ ବାଧ୍ୟ ଯେ ସେମାନେ ସେମାନଙ୍କ ପ୍ଲାଟଫର୍ମରେ ଅଶ୍ଳୀଳ ଏବଂ ଅଶାଳୀନ ବିଷୟବସ୍ତୁ ଅପଲୋଡ୍ କରିବେ ନାହିଁ।

ଅଶ୍ଳୀଳ ଏବଂ ଅଶାଳୀନ କଣ୍ଟେଣ୍ଟ ଏବଂ ଶିଶୁ ଯୌନ ନିର୍ଯାତନା ସହିତ ଜଡିତ ବେଆଇନ କଣ୍ଟେଣ୍ଟ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେଇଛନ୍ତି। ନିର୍ଦ୍ଦେଶକୁ ଅବମାନନା କରୁଥିବା ଲୋକଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ମନ୍ତ୍ରାଳୟ ସୋସିଆଲ ମିଡିଆ କମ୍ପାନୀଗୁଡ଼ିକୁ କହିଛି ଯେ ଏପରି ନ କଲେ ଜାତୀୟ ଆଇନ ଅନୁଯାୟୀ ମାମଲା ରୁଜୁ ହୋଇପାରେ। ମନ୍ତ୍ରାଳୟର ଏହି ନିର୍ଦ୍ଦେଶ ଏପରି ସମୟରେ ଆସିଛି ଯେତେବେଳେ ଦେଖାଯାଇଛି ଯେ, ସୋସିଆଲ ମିଡିଆ ପ୍ଲାଟଫର୍ମଗୁଡ଼ିକ ଅଶ୍ଳୀଳ, ଅଶାଳୀନ ଏବଂ ଅବୈଧ ବିଷୟବସ୍ତୁ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁନାହାଁନ୍ତି।

ଆଇଟି ନିୟମ, ୨୦୨୧ ଅନୁଯାୟୀ, ଯଦି ଜଣେ ବ୍ୟକ୍ତି ଅଭିଯୋଗ କରନ୍ତି ଯେ ଇଣ୍ଟରନେଟରେ ଥିବା କୌଣସି ଫଟୋ କିମ୍ବା ଭିଡିଓ ତାଙ୍କୁ ଯୌନ କାର୍ଯ୍ୟକଳାପରେ ଦେଖାଉଛି, ତାଙ୍କର ନଗ୍ନତାକୁ ଦର୍ଶାଉଛି କିମ୍ବା ତାଙ୍କର ଏକ ନକଲି ରୂପ ତେବେ ସୋସିଆଲ ମିଡିଆ ପ୍ଲାଟଫର୍ମ କିମ୍ବା ୱେବସାଇଟ୍ ୨୪ ଘଣ୍ଟା ମଧ୍ୟରେ ସେହି ବିଷୟବସ୍ତୁକୁ ହଟାଇବାକୁ ପଡିବ।

Powered by Froala Editor