‘ମନ୍ କି ବାତ୍’ କାର୍ୟ୍ୟକ୍ରମ: ଏହା କହିଲେ ମୋଦୀ
ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୧୨୯ ତମ ‘ମନ୍ କି ବାତ୍’ କାର୍ୟ୍ୟକ୍ରମ। ଏହା ଚଳିତ ବର୍ଷର ମନ କି ବାତର ଶେଷ ଏପିସୋଡ୍। ଏହି ଅବସରରେ ପ୍ରଧାନମନ୍ତ୍ରୀ ସମ୍ବୋଧିତ କରି ୨୦୨୫ ମସିହାରେ ଭାରତର ଗର୍ବର ମୁହୂର୍ତ୍ତଗୁଡ଼ିକୁ ମନେ ପକାଇଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଅପରେସନ ସିନ୍ଦୂର ସମୟରେ ଭାରତ ଏକ ଦୃଢ଼ ଛାପ ଛାଡ଼ିଥିଲା। ଯାହା ଦେଶର ସୁରକ୍ଷା ପ୍ରତି ପ୍ରତିବଦ୍ଧତାର ପ୍ରଦର୍ଶନ ଥିଲା। ପାକିସ୍ତାନର ଦୁଃସାହସିକତା ବିରୁଦ୍ଧରେ ଅପରେସନ ବିଶ୍ୱକୁ ଏକ ବାର୍ତ୍ତା ଦେଇଛି, ଯେ ଭାରତ ସୁରକ୍ଷା ସହିତ କୌଣସି ସାଲିସ କରିବ ନାହିଁ।
ଏହି ବର୍ଷ, ‘ଅପରେସନ ସିନ୍ଦୂର’ ପ୍ରତ୍ୟେକ ଭାରତୀୟଙ୍କ ପାଇଁ ଗର୍ବର ପ୍ରତୀକ ପାଲଟିଛି। ବିଶ୍ୱ ସ୍ପଷ୍ଟ ଭାବରେ ଦେଖିଲା ଯେ ଆଜିର ଭାରତ ଏହାର ସୁରକ୍ଷା ସହିତ ସାଲିସ କରେ ନାହିଁ। ‘ଅପରେସନ ସିନ୍ଦୂର’ ସମୟରେ, ଭାରତ ମାତାଙ୍କ ପ୍ରତି ପ୍ରେମ ଏବଂ ଭକ୍ତିର ଚିତ୍ର ସମଗ୍ର କୋଣରୁ ଉଭା ହୋଇଥିଲା। ‘ବିଶ୍ୱାସ, ସଂସ୍କୃତି ଏବଂ ଭାରତର ଅନନ୍ୟ ଐତିହ୍ୟ, ସବୁକିଛି ଏକାଠି ବର୍ଷ ଆରମ୍ଭରେ, ପ୍ରୟାଗରାଜ ମହାକୁମ୍ଭର ଆୟୋଜନ ସମଗ୍ର ବିଶ୍ୱକୁ ଆଶ୍ଚର୍ୟ୍ୟ କରିଥିଲା। ବର୍ଷ ଶେଷରେ ଅଯୋଧ୍ୟାର ରାମ ମନ୍ଦିରରେ ପତାକା ଉତ୍ତୋଳନ ଉତ୍ସବ ପ୍ରତ୍ୟେକ ଭାରତୀୟଙ୍କୁ ଗର୍ବିତ କରିଥିଲା। ସେ ଆହୁରି କହିଛନ୍ତି ‘ସ୍ୱଦେଶୀ ଉତ୍ପାଦ ପାଇଁ ମଧ୍ୟ ଲୋକମାନେ ବହୁତ ଉତ୍ସାହ ଦେଖାଇଥିଲେ। ଲୋକମାନେ କେବଳ ଭାରତୀୟଙ୍କ କଠିନ ପରିଶ୍ରମରେ ତିଆରି ସାମଗ୍ରୀ କିଣୁଛନ୍ତି।
ବିଜ୍ଞାନ ଏବଂ ମହାକାଶ କ୍ଷେତ୍ରରେ ମଧ୍ୟ ଭାରତ ବଡ଼ ସଫଳତା ହାସଲ କରିଛି। ଶୁଭାଂଶୁ ଶୁକ୍ଳା ଅନ୍ତର୍ଜାତୀୟ ମହାକାଶ ଷ୍ଟେସନରେ ପହଞ୍ଚିବା ପାଇଁ ପ୍ରଥମ ଭାରତୀୟ ହୋଇଥିଲେ। ପରିବେଶ ସୁରକ୍ଷା ଏବଂ ବନ୍ୟପ୍ରାଣୀ ସଂରକ୍ଷଣ ସହିତ ଜଡିତ ଅନେକ ପଦକ୍ଷେପ ମଧ୍ୟ ୨୦୨୫କୁ ସ୍ୱତନ୍ତ୍ର କରିଥିଲା।
Powered by Froala Editor
