ରାଜସ୍ଥାନର ସାମ୍ଭର ସଲ୍ଟ ଲେକ ଏବେ 'ଗୋଲାପୀ ସାଗର' । ହଜାର ହଜାର ପ୍ରବାସୀ ଫ୍ଲେମିଙ୍ଗୋଙ୍କ ଆଗମନ ଏହି ବିଶାଳ ହ୍ରଦକୁ 'ଗୋଲାପୀ ସାଗର'ରେ ପରିଣତ କରିଛି। ପକ୍ଷୀ ବିଶେଷଜ୍ଞ ଗୌରବ ଦଧିଚ କହିଛନ୍ତି ଯେ ସାମ୍ଭର ହ୍ରଦକୁ ବାର୍ଷିକ ପ୍ରବାସ ସାଧାରଣତଃ ଅକ୍ଟୋବରରେ ଆରମ୍ଭ ହୋଇ ମାର୍ଚ୍ଚ ପର୍ଯ୍ୟନ୍ତ ଚାଲିଥାଏ। ଏହି ହ୍ରଦରେ ବିଭିନ୍ନ ପ୍ରକାରର ବତକ ଏବଂ ଅନ୍ୟାନ୍ୟ ପ୍ରବାସୀ ପକ୍ଷୀଙ୍କ ସହିତ ଲେସର୍ ଫ୍ଲାମିଙ୍ଗୋ ଏବଂ ଗ୍ରେଟର୍ ଫ୍ଲାମିଙ୍ଗୋଙ୍କ ବଡ଼ ଦଳ ବାସ କରନ୍ତି। ଯାହା ପକ୍ଷୀ ପ୍ରେମୀ ଏବଂ ପର୍ଯ୍ୟଟକଙ୍କୁ ବହୁ ସଂଖ୍ୟାରେ ଆକର୍ଷିତ କରିଛି।

ଦଧିଚ ସାମ୍ଭରରେ ୩୦୦ ରୁ ଅଧିକ ପ୍ରଜାତିର ପକ୍ଷୀଙ୍କ ତଥ୍ୟ ହାସଲ କରିଛନ୍ତି। ଚଳିତ ବର୍ଷ ପ୍ରବଳ ବର୍ଷା ଭଲ ପରିସ୍ଥିତି ସୃଷ୍ଟି କରିଛି, ଯାହା ଯୋଗୁଁ ପକ୍ଷୀଙ୍କ ସଂଖ୍ୟା ବହୁତ ବୃଦ୍ଧି ପାଇଛି। ବର୍ତ୍ତମାନ, ହ୍ରଦ ଅଞ୍ଚଳରେ ପ୍ରାୟ ଦୁଇ ରୁ ଅଢେଇ ଲକ୍ଷ ଫ୍ଲେମିଙ୍ଗୋ ଦେଖାଯାଇପାରିବେ।

ବିଶେଷଜ୍ଞମାନଙ୍କ ଅନୁଯାୟୀ,  ପ୍ରାୟ ୨୪୦ ବର୍ଗ କିଲୋମିଟରରେ ବିସ୍ତୃତ ଏହି ହ୍ରଦ ରୁଷ, ସାଇବେରିଆ ଏବଂ ମଙ୍ଗୋଲିଆ ଭଳି ଦେଶରୁ ବିଦେଶୀ ପକ୍ଷୀମାନଙ୍କୁ ଆକର୍ଷିତ କରେ। ଚଳିତ ବର୍ଷ ଅନୁକୂଳ ପରିସ୍ଥିତି, ଭଲ ଜଳସ୍ତର ଏବଂ ପ୍ରଚୁର ଖାଦ୍ୟ, ବଡ଼ ବଡ଼ ଫ୍ଲେମିଙ୍ଗୋ ଦଳଙ୍କୁ ହ୍ରଦରେ ବସତି ସ୍ଥାପନ କରିବାକୁ ଉତ୍ସାହିତ କରିଛି।

Powered by Froala Editor