ଦାନ୍ତକୁ ସଫା କରିବା ପାଇଁ ବ୍ରଶ୍‌‌ର ବ୍ୟବହାର କରାଯାଏ। ଅନେକ ସମୟରେ ଏପରି ଦେଖାଯାଏ, ବ୍ରଶ୍‌‌ କରିବାର ତୁରନ୍ତ ପରେ ଲୋକେ କିଛି ନା କିଛି ଖାଇ ଥାଆନ୍ତି। ମାତ୍ର ହୁଏତ ସଭିଏଁ ଜାଣିନଥିବେ ବ୍ରଶ୍‌‌ କରିବା ପରେ ତୁରନ୍ତ ଖାଇବା ଉଚିତ ନୁହେଁ। 

 ବ୍ରଶ୍‌‌ କରିବା ପରେ ତୁରନ୍ତ ଖାଦ୍ୟ ଖାଇଲେ ଦାନ୍ତର ଉପର ଅଂଶ ଓ ମାଢିରେ କୁପ୍ରଭାବ ପକାଏ। ଦାନ୍ତ ଦୁର୍ବଳ ହେବା ସହ ଅନେକ ରୋଗ ସୃଷ୍ଟି ହୋଇଥାଏ। ଦାନ୍ତର ଚମକ ହ୍ରାସ ପାଇ ହଳଦିଆ ଦେଖାଯାଏ। ମାଢିରେ ଯନ୍ତ୍ରଣା ହୋଇଥାଏ। ମିଠା,ଥଣ୍ଡା ଜାତୀୟ ଜିନିଷ ଖାଇବା ସମୟରେ ଏହି ଯନ୍ତ୍ରଣା ଅଧିକ ହୋଇଥାଏ।
ସାଧାରଣତଃ ମାର୍କେଟରେ ଉପଲବ୍ଧ ଦାନ୍ତ ଘଷା (ଟୁଥ୍‌‌ପେଷ୍ଟ୍‌‌)ରେ ପିଏଚ୍‌‌ ପ୍ରାୟ ୭.୫ରୁ ୯ ଯାଏଁ ଥାଏ। ଦାନ୍ତ ଘଷିବା ପରେ ଏହାର ପ୍ରଭାବରେ ପାଟିର ପିଏଚ୍‌‌ ପ୍ରାୟ ୬ ରୁ ୭.୫ ପର୍ୟ୍ୟନ୍ତ ହୋଇଥାଏ। ବ୍ରଶ୍‌‌ କରିବା ପରେ ଦାନ୍ତରେ ଥିବା ଏସିଡ୍‌‌ ଦୂର ହୋଇଥାଏ। ଫଳରେ ତୁରନ୍ତ ଖାଦ୍ୟ ଖାଇବା ଦ୍ୱାରା ମାଢି ଓ ଦାନ୍ତ ପାଇଁ ହାନିକାରକ ହୋଇଥାଏ।
ବ୍ରଶ୍‌‌ କରିବାର ତୁରନ୍ତ ପରେ ୨୦ ମିନିଟ୍‌‌ ଯାଏଁ କୌଣସି ଖାଦ୍ୟ ଖାଆନ୍ତୁ ନାହିଁ। ଦାନ୍ତ ଘଷିବା ପରେ ପାଣି ପିଇପାରିବେ।
ବ୍ରଶ୍‌‌ କରିବାର ତୁରନ୍ତ ପରେ ରାଗୁଆ ଖାଦ୍ୟ, ଲୁଣିଆ ଖାଦ୍ୟ, ମସଲା ଯୁକ୍ତ ଖାଦ୍ୟ ଖାଇବା ଦ୍ୱାରା କ୍ଷତିକାରକ ହୋଇଥାଏ। ଫଳରେ ମାଢିରେ ଯନ୍ତ୍ରଣା ଓ ଜଳାପୋଡା ହୋଇଥାଏ। ଏହାସହ ଚା’ କିମ୍ବା ମୃଦୁ ପାନୀୟ ମଧ୍ୟ ତୁରନ୍ତ ପିଅନ୍ତୁ ନାହିଁ।

Powered by Froala Editor