ଭୁବନେଶ୍ୱର: ପ୍ରତି ବ୍ଲକରେ ହେବ ଆଦର୍ଶ ପାକ୍ସ। ସମବାୟ ମାଧ୍ୟମରେ ଗାଁର ଉନ୍ମତି କରାଯିବ। ଉଭୟ କେନ୍ଦ୍ର ଓ ରାଜ୍ୟ ସରକାର ଏ ଦିଗରେ ପଦକ୍ଷେପ ନେଉଛନ୍ତି। ସହଯୋଗରୁ ସମବାୟ, ସମବାୟରୁ ଉନ୍ନତି କରାଯିବ ବୋଲି ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତ କହିଛନ୍ତି।

ବୁଧବାର ଜୟଦେବ ଭବନରେ ନିଖିଳ ଭାରତ ସମବାୟ ସପ୍ତାହ ରାଜ୍ୟସ୍ତରୀୟ ଉତ୍ସବ ପାଳିତ ହୋଇଯାଇଛି। ୭୨ତମ ନିଖିଳ ଭାରତ ସମବାୟ ସପ୍ତାହ ରାଜ୍ୟସ୍ତରୀୟ ଉତ୍ସବ, ରାଜ୍ୟ ସମବାୟ ବିଭାଗ ଓ ଓଡିଶା ରାଜ୍ୟ ସମବାୟ ୟୁନିୟନର ମିଳିତ ଆନୁକୂଲ୍ୟରେ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ମୂଖ୍ୟ ଅତିଥି ଭାବେ ସମବାୟ ମନ୍ତ୍ରୀ ଶ୍ରୀ ବଳସାମନ୍ତ ଯୋଗ ଦେଇଥିଲେ । ସମ୍ମାନନୀତ ଅତିଥି ସମବାୟ ସଚିବ ରାଜେଶ ପ୍ରଭାକର ପାଟିଲ ଯୋଗ ଦେଇ ପ୍ରାଥମିକ କୃଷି ସମବାୟ ସମିତି (ପାକ୍ସ)ରେ ଦୁର୍ନୀତି ଅଭିଯୋଗ ପ୍ରତଦିନ ଆସୁଥିବା ନେଇ କ୍ଷୋଭ ପ୍ରକାଶ କରିଥିଲେ। 

ଏହି କାର୍ୟ୍ୟକ୍ରମରେ ଓଡିଶା ସମବାୟ ସମିତି ସମୂହର ନିବନ୍ଧକ ସିଦ୍ଧାର୍ଥ ଦାସ, ମହା ସମୀକ୍ଷକ ସନ୍ତୋଷ କୁମାର ନାୟକ , ଓଡିଶା ରାଜ୍ୟ ସମବାୟ ୟୁନିୟନ, ସଭାପତି ସୁଶ୍ରୀ ପ୍ରବାସିନୀ ଷଡଙ୍ଗୀ ପ୍ରମୁଖ ଯୋଗ ଦେଇଥିଲେ ।  ରାଜ୍ୟ ସରକାରଙ୍କର ସମବାୟ ବିଭାଗର ସମସ୍ତ କର୍ମଚାରୀ, ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା ସମବାୟବିତ, ଶୀର୍ଷ, କେନ୍ଦ୍ରିୟ ଏବଂ ପ୍ରାଥମିକ ସମବାୟ ସମିତିର ସଭାପତି, ପରିଚାଳନା ନିର୍ଦ୍ଦେଶକ/ସଂପାଦକ, ରାଜ୍ୟ ସମବାୟ ୟୁନିୟନ ପରିଚାଳନା ପରିଷଦର ସଦସ୍ୟ/ସଦସ୍ୟା, ସମସ୍ତ କର୍ମଚାରୀମାନଙ୍କ ସହିତ ରାଜ୍ୟର ବିଭିନ୍ନ ସମବାୟ ସମିତିର ପରିଚାଳନା ପରିଷଦର ସଦସ୍ୟ/ସଦସ୍ୟାମାନେ ଯୋଗ ଦେଇଥିଲେ ।

Powered by Froala Editor