ଏନସିଇଆରଟି ପୁସ୍ତକରେ ବିଚାର ବିଭାଗ ସମ୍ପର୍କିତ ବିଷୟକୁ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ସୁପ୍ରିମକୋର୍ଟ । ଏପରକି ଭବିଷ୍ୟତରେ ଶିକ୍ଷା ମନ୍ତ୍ରାଳୟର କୌଣସି ପୁସ୍ତକରେ ଏହି ଲେଖକଙ୍କୁ ସ୍ଥାନ ନଦେବା ଲାଗି କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଏହି ପ୍ରସଙ୍ଗରେ କେନ୍ଦ୍ର ସରକାର କ୍ଷମା ମାଗିଛନ୍ତି ।

ଜାତୀୟ ଶୈକ୍ଷିକ ଗବେଷଣା ଏବଂ ତାଲିମ ପରିଷଦ (NCERT) ୮ମ ଶ୍ରେଣୀ ପାଠ୍ୟପୁସ୍ତକରୁ ବିବାଦୀୟ ଅଧ୍ୟାୟକୁ ହଟାଇ ଦେଇଛି। କିନ୍ତୁ ୩୮ଟି କପି ଏହା ପାଇଁ ମୁଣ୍ଡବିନ୍ଧାର କାରଣ ପାଲଟିଛି। ଶିକ୍ଷା ମନ୍ତ୍ରଣାଳୟ ବିକ୍ରି ହୋଇଥିବା ୩୮ଟି ପାଠ୍ୟପୁସ୍ତକକୁ ଫେରାଇ ନେବାକୁ ଚେଷ୍ଟା କରୁଛି।

ମୁଦ୍ରିତ ୨.୨୫ ଲକ୍ଷ କପି ମଧ୍ୟରୁ କେବଳ ୩୮ଟି ବିକ୍ରି ହୋଇଛି, ୨୨୪,୯୬୨ଟି ଇନଭେଣ୍ଟରୀରେ ବାକି ରହିଛି। ସମସ୍ତ ବିକ୍ରୟ ନ ହୋଇଥିବା କପି NCERT ଗୋଦାମକୁ ଫେରାଇ ନିଆଯାଇଛି ଏବଂ ବିକ୍ରୟ ନ ହୋଇଥିବା କପିଗୁଡ଼ିକୁ ଖୋଜି ବାହାର କରିବା ପାଇଁ ପ୍ରୟାସ ଚାଲିଛି।

ଏନସିଇଆରଟି ପୁସ୍ତକରେ ଏହି ବିଷୟ ସ୍ଥାନୀତ କରିବା ମୂଳରେ କୌଣସି ଉଦ୍ଦେଶ୍ୟ ନଥିଲା ବୋଲି କହିଥିଲା ଏନସିଇଆରଟି । ଏକ୍ସପ୍ଲୋରିଂ ସୋସାଇଟି: ଇଣ୍ଡିଆ ଆଣ୍ଡ ବିୟଣ୍ଡ ଭଲ୍ୟୁମ-୨ ପୁସ୍ତକର ଚାପ୍ଟର ୪ରେ ଦି ରୋଲ ଅଫ ଜୁଡିସିଆରୀ ଇନ ଆୱାର ସୋସାଇଟିରେ ଏହି ବିଷୟ ସ୍ଥାନୀତ ହୋଇଥିଲା । କେବଳ ନ୍ୟାୟପାଳିକାରେ ଦୁର୍ନୀତି କାହିଁକି ପଢାଯିବ ଅନ୍ୟ କେଉଁ ସଂସ୍ଥା ବା ବିଭାଗରେ ହେଉଥିବା ଦୁର୍ନୀତ ବିଷୟରେ କାହିଁକି ପଢା ନଯିବ ବୋଲି ବିଭିନ୍ନ ମହଲରୁ ପ୍ରଶ୍ନ ଉଠିଥିଲା । କେନ୍ଦ୍ରର ନିର୍ଦ୍ଦେଶକ୍ରମେ ପୁସ୍ତକ ପ୍ରସାରଣକୁ ବନ୍ଦ କରାଯାଇଥିବାବେଳେ ବିବାଦୀୟ ଅଧ୍ୟାୟ ହଟାଇବା ପାଇଁ ଏନ୍‌ସିଇଆର୍‌ଟି ନିଷ୍ପତ୍ତି ନେଇଛି।

Powered by Froala Editor