ଜାତୀୟ ଚଳଚ୍ଚିତ୍ର ପୁରସ୍କାର : ଶାହରୁଖ, ବିକ୍ରାନ୍ତ ଶ୍ରେଷ୍ଠ ଅଭିନେତା
ଦିଲ୍ଲୀର ବିଜ୍ଞାନ ଭବନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୁରସ୍କାରପ୍ରାପ୍ତ କଳାକାରମାନଙ୍କୁ ସମ୍ମାନିତ କରିଛନ୍ତି । ଏହି ପୁରସ୍କାରଗୁଡ଼ିକ ୨୦୨୩ ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ଉପରେ ଆଧାରିତ। ଶାହରୁଖ ଖାନ, ବିକ୍ରାନ୍ତ ମେସି ଏବଂ ରାଣୀ ମୁଖାର୍ଜୀଙ୍କ ଭଳି କଳାକାର ବିଜ୍ଞାନ ଭବନରେ ପହଞ୍ଚି ପୁରସ୍କାର ଗ୍ରହଣ କରିଛନ୍ତି।
ଶାହରୁଖ ଖାନଙ୍କୁ ପୁରସ୍କାର ମିଳିବାରେ ପ୍ରଶଂସକମାନେ ବିଶେଷ ଖୁସି। ଏହା ତାଙ୍କ ପାଇଁ ବିଶେଷ କାରଣ ଏହା ତାଙ୍କ କ୍ୟାରିଅରର ପ୍ରଥମ ଜାତୀୟ ପୁରସ୍କାର। ତାଙ୍କୁ ଏହି ପୁରସ୍କାର ‘ଯବାନ’ ଫିଲ୍ମ ପାଇଁ ମିଳିଛି। ‘ଯବାନ’ ବକ୍ସ ଅଫିସରେ ୬୪୦ କୋଟି ଟଙ୍କାରୁ ଅଧିକ ଆୟ କରିଥିଲା। ତଥାପି, ସେ ଏହି ପୁରସ୍କାର ଏକା ପାଇ ନାହାନ୍ତି। ସେ ଏହାକୁ ବିକ୍ରାନ୍ତ ମେସିଙ୍କ ସହିତ ସେୟାର କରିଛନ୍ତି। ବିକ୍ରାନ୍ତ ମେସିଙ୍କୁ "ଟ୍ବିଏଲଥ୍ ଫେଲ୍" ଚଳଚ୍ଚିତ୍ର ପାଇଁ ପୁରସ୍କାର ମିଳିଛି। ଯାହା ଏକ ବାସ୍ତବ ଜୀବନ ଏବଂ ପ୍ରେରଣାଦାୟକ କାହାଣୀ ଉପରେ ଆଧାରିତ।
ସମାରୋହରେ ସାଉଥ୍ ଫିଲ୍ମ ଅଭିନେତା ମୋହନଲାଲଙ୍କୁ ମିଳିଛି ଦାଦା ସାହେବ ଫାଲକେ ଆୱାର୍ଡ । ଏହି ବର୍ଷର ଜାତୀୟ ପୁରସ୍କାର ବିଜେତାମାନଙ୍କୁ ଅଗଷ୍ଟ ୧ ତାରିଖରେ ଘୋଷଣା କରାଯାଇଥିଲା।
Powered by Froala Editor
